Deuteronomy

3 hẹi kaehọ ọta ọsi ọne akhasẹ nin, la ọnọn bhohiẹ nin, ranmhunde, Jehova nin Osẹnobulua nọnsẹbha dọnmhẹn ibha fẹghe, si bha re ọkhọle rebhe bi egbe rebhe rẹ hoẹmhọn iJehova nin Osẹnobulua nọnsẹbha. 4 Jehova nin Osẹnobulua nọnsẹbha, ọle bha ha khian rẹkhan, ọle bha ha mun ofẹn ọlẹn, uhi nesọle bha ha re obọ rẹkhan, urulu nọnsọle bha ha kaehọ ọle; ọle bha ha ga, ọle bha ha mun mhọn nọnsẹn. 6 “Ahamiẹn obhio ẹ nin okpea, ọmọn okpea ọsi inẹn ẹn, la ọmọn okpea nọnsẹ, la ọmọn okhuo nọnsẹ, la amhẹn uwẹ nọn daan ẹn, la ọmọẹ ẹ nọn sikẹ ẹ nẹ, dọ fẹkẹ ha lẹlẹ uwẹ bhi ẹkhokho yọle: ‘Ji mhan dọ ha ga osẹ nekẹle,’ osẹ nin uwẹ bi aba ẹ odede bha lẹn, 7 bhi ẹwẹ osẹ ọsi ene ẹbho ne nega bha rebhe, aharẹmiẹn ene sike ẹ nọn, la ene ree bhi eji uwẹ ye, rẹ nabhi obọ ọkpa ọsi ọne otọ rẹ dọ sẹbhi obọ nọnkẹle, 8 hẹi rẹkhan ọlẹn la ka ọle ehọ, la nin uwẹ dọ ha tohan ọlen, la mhọn ẹkẹ-ẹjẹjẹ da ọle la gbega ọle; 9 nin uwẹ ha rẹ lu iriọ, hẹi ji a miẹn ebezẹle uwẹ bha gbe ọle a. Obọ nọnsẹ hi obọ ọhẹnhẹn nọn ha ka fi ọle emhin nan rẹ gbe ọle a, ẹbho nekẹle rebhe kuẹ deba uwẹ.