Deuteronomy

8 Bha dẹ lu rẹkhan uhi rebhe nin mẹn gbe nin bha ẹlẹnan, beji a da miẹn ghe bha ki sabọ kiẹn eria ne ziẹnlẹn yẹ sabọ fan ra nabhi ọne otọ yẹ re ọle kiẹn ọsẹbha. 10 “Otọ nin bha khian nọn ha kiẹn emhin uku nọnsẹbha, bha diabe otọ ọsi Egypt nin bha na vade, bhi eji bha da ha re emhin kọ yẹ re oẹ sa amẹn khakha ọle, bọsi ugbo-ẹfọ. 11 Ọkpakinọn, otọ nin bha ho nin bha fan ra ha khian nian, nin bha ho nin bha le bhi uku, otọ nin oke bi iyala vuọnlẹn nọn. Okhun, ọle amẹn na rọlọ ọbhọ. 12 Jehova nin Osẹnobulua nọnsẹbha, ọle hi ọnọn gbẹloghe ọne otọ. Ẹlo nọnsi Jehova nin Osẹnobulua nọnsẹbha wo gbega ọle ẹghe rebhe, ẹghe nin ukpe ha rẹ munhẹn rẹ dọ sẹbhi ẹghe nin ọne ukpe ha rẹ kpẹn. 13 “Ahamiẹn ibha gbẹlokotọ re obọ rẹkhan uhi nin mẹn gbe nin bha ẹlẹnan, yẹ hoẹmhọn Jehova nin Osẹnobulua nọnsẹbha, yẹ ha re egbe rebhe bi ọkhọle rebhe rẹ ga ọle, 14 Mẹn ki yẹ ji amẹn rọlọ ọbhi otọ nọnsẹbha bhi ẹghe nọn khẹke, amẹn nin ọhẹnhẹn bi ọnọn kike, bha ki sabọ miẹn emhin khuan; ikpẹ, anyọn bi abhii. 15 Mẹn ki yẹ re ilunmhun ọbhi ugbo nọnsẹbha nin elanmhẹn nọnsẹbha ha miẹn le. Bha ki le yẹ miẹn ọkhọnlẹn. 16 Bha gbẹlokotọ nọnsẹn, nin ibha hẹi ji a lẹlẹ ọkhọle nọnsẹbha sibhi ẹfan re dọ ha ga ẹbọ yẹ debhẹre nin ele. 29 “Ẹghe nin Jehova nin Osẹnobulua nọnsẹ ha rẹ mun uwẹ sẹbhi bhi ọne otọ nin uwẹ ha le bhi uku, uwẹ dẹ nan ọne erọnmhọn bhi Oke ọsi Gerizim yẹ khọ ọne ihẹn bhi Oke ọsi Ebal.