Deuteronomy
16 “Bhi ọne ẹghe nin, mẹn da taman ene bhohiẹn nesẹbha yọle, ‘Ahamiẹn bha guẹzọ ọsi ibhio bha, bha dẹ re uwedẹ nọn gbale rẹ bhohiẹn ẹmhọn nọn zegbere bhi ẹwẹ okpea bi obhio ọle la ọriọbhe. 17 Bha hẹi bhohiẹn eku. Bha dẹ kaehọ ẹmhọn ọsi ọnọn khere bi ọsi ọnọn khua. Bha hẹi ji ofẹn ọria ha mun bha, ranmhude Osẹnobulua nyan ọne ibhohiẹn; ahamiẹn ghe ẹmhọn kaka gbe nin bha, bha mun ji mẹn, nin mẹn họn ọne ẹmhọn.’ 19 “Bhiriọ, mhan da nabhi Horeb kpanọ yẹ khian na ọne ojẹgbo nọn khua nọn gboriri nin bha daghe bhi uwedẹ, nan na yo eji oke ye bhi otọ ọsi ene Amorites, beji Jehova nin Osẹnobulua nọnsẹmhan taman mhan. Mhan da dọ sẹbhi Kadeshbarnea. 42 Sokpan, Jehova da taman mẹn yọle, ‘Taman ele yọle: “Bha hẹi ha khian dọ nẹ ele khọnlẹn ranmhude mẹn ida ne bha dia. Bha ha yo, ighian bha dẹ khọn bha miotọ.”’