Numbers
52 Ibha dẹ khu ọrebhe ne nyẹnlẹn bhi ọne otọ sibhi ẹwẹ bha re yẹ dunmhun emhin nesele rebhe a nan re udo man bi amanzẹ nesele rebhe nan re ẹlọnmhọn lu, bha ha yẹ dunmhun eje yoyo nesele rebhe a nin ele da ga. 53 Sẹyẹ, bha ki re ọne otọ kiẹn ọsẹbha yẹ ha nyẹnlẹn bhọ, ranmhude imẹn dẹ gene mun ọne otọ nin ibha nọn ha yi ọsẹbha. 54 Bha dẹ fi ono rẹ gha ọne otọ nọn ha yi ọsi azaga-uwa nọnsẹbha kẹkẹ. Bha ki mun otọ nọn hu nẹ nin azagba-uwa nọn bun nẹ nin ele le bhi uku. Bha ki mun otọ nọn khere nin azagba-uwa nọn khere nẹ nin ele le bhi uku. Obọ nin ọne ono nan fi de ọi, enin ha yi alebhuku ọsi ọdeọde. Bha dẹ miẹn otọ nesẹbha le bhi uku beji ibha rẹ nabhi ulin-uwa ọsi aba bha vae. 55 “‘Ahamiẹn ghe, ibha bha khu ọrebhe ne nyẹnlẹn bhi ọne otọ sibhi ẹwẹ bha re, ene ibha re otọ nan rẹ sẹyẹ ha ribhọ dẹ diabe igbẹn bhi ẹlo nọnsẹbha bi ikhiakhiọ bhi egbe nesẹbha, ele dẹ ha zuọzuọ bha bhi ọne otọ nin ibha ha da ha nyẹnlẹn. 56 Bhiriọ, imẹn dẹ lu bha emhin nin mẹn rẹ ha guanọ nin mẹn lu da ele.’”