Numbers

11 Jehova da sẹyẹ ha taman iMoses yọle 12 “Ghọle! Rẹji mẹn, mẹn zẹ ene iLevite bhi ẹwẹ ibhokhan Izrẹl nin ele ha ribhi ihe ọsi ọmọndiọn rebhe nesi ibhokhan Izrẹl, ene iLevite dẹ kiẹn ọsẹmhẹn. 13 Ranmhude, imẹn nyan ọmọndiọn rebhe. Bhi ọne ukpẹdẹ nin mẹn rẹ gbono imọndiọn rebhe ne ribhi otọ Egypt a, mẹn da zẹ imọndiọn rebhe ne ribhi otọ Izrẹl, rẹ na bhi ọmọndiọn ọsi eria rẹ dọ sẹbhi ọsi elanmhẹn, rẹ kiẹn ọsẹmhẹn. Ele dẹ kiẹn ọsẹmhẹn. Imẹn hi Jehova.” 25 Iwẹnna ọsi imọn-ikpea nesi Ger′shon bhi ibọkpọ ọsi oga da ha yi nan rẹ ha gbẹloghe uwa oga bi ọne ibọkpọ, ugue nọnsọle, ukpọn nan rẹ gue eji a da nabhi ibọkpọ ọsi oga, 26 ukpọn nan rẹ gue ogba ọsi ọne azagba, ukpọn nan rẹ guẹ eji a da nabhi azagba nọn nẹga ọne ibọkpọ ọsi oga bi ukhuo-izọese, ene uri nan rẹ diẹn ọne ibọkpọ, bi iwẹnna rebhe ne rẹtẹ ene emhin nan. 31 Iwẹnna nọnsele da ha yi nin ele rẹ ha gbẹloghe ọne Ẹkpẹti, itebu, emhin nan mun orukpa nyan, ene ukhuo-izọese, emhin kẹkẹ nan rẹ wẹnna bhi eje khiale, ukpọn nan rẹ gue ọne odẹ, bi iwẹnna rebhe ne rẹtẹ ene emhin nan. 36 Imọn-ikpea nesi Me·rar′i da ha mhọn obọ bhọ rẹ ha gbẹloghe ene eran nan rẹ bọn ọne ibọkpọ nẹga, ene asigbe, ene ikazi, ene emhin nan rẹ mun ene ikazi mhọn bhi otọ ọle, emhin rebhe ne ribhi ẹkẹ ọle, bi iwẹnna rebhe ne rẹtẹ ene emhin nan, 37 rẹ sẹbhi ikazi rebhe ne nẹga ọne azagba bi emhin nan rẹ mun ele mhọn bhi otọ ọle, ene ise nan rẹ khan ele, bi ene uri nan rẹ diẹn ele.