Numbers
20 Bhi uki nin ọhẹnhẹn, ibhokhan Izrẹl rebhe da vae bhi ojẹgbo ọsi Zin. Ene ẹbho da ha nyẹnlẹn bhi Ka′desh. Enin Mir′i·am da yu, enin a da yẹ re ọle tọ. 2 Bhi ọne ẹghe nin, amẹn bha ha ribhọ nin ele, bhiriọ, ele da kugbe ha re unun ji Moses bi Aaron. 3 Ene ẹbho da ha ne iMoses van yọle: Ọ ha rẹ mhẹn nẹ sade mhan wo yu bhi ẹghe nin ibhio mhan rẹ yu bhi isira iJehova! 4 Bezẹle nin uwẹ da ne ẹbho nesi Jehova vae bhi ọne ojẹgbo nan nin mhan bi emhin-uri nesẹmhan dọ yu ọbhi enan? 5 Sẹyẹ, bezẹle nin uwẹ da ne mhan sibhi Egypt re nin mhan dọ yu ọbhi ọne otọ ọbe nan? Ọnan iyi otọ nan da miẹn ikpẹ bi fig bi ikperan anyọn bi pomegranate, sẹyẹ, amẹn nan wọn iribhọ.” 9 Mọzis da re ukpokpo nọnsọle, yẹ si ene ẹbho koko bhi odalo Jehova beji Jahova taman ọlẹn nin ọle lu. 10 Bhiriọ, Moses bi Aaron da si ene ẹbho koko bhi isi ọne oke, Moses da yi ele: “Bha kaehọ, bha ne wo bhi uhọnmhọn! Bha be guanọ nin mhan na bhi ọne udo nan re amẹn nin bha? 12 Akizẹbue, Jehova da taman iMoses bi Aaron yọle: “Ranmhude ibha bha mhọn urẹọbhọ da mẹn yẹ kpe imẹn khia bhi ẹlo nọnsi ibhokhan Izrẹl, bha ida ne ene ẹbho nan nabhi ọne otọ nin mẹn ha mun nin ele.” 23 Bhiriọ, Jehova da taman iMoses bi Aaron bhi Oke ọsi Hor nọn ribhi egbegbe ughu ọsi otọ E′dom yọle: 24 “Aaron dẹ yu. Ọle ida nabhi ọne otọ nin mẹn ha mun nin ibhokhan Izrẹl, ranmhude bha veva gbobọra uhi nọnsẹmhẹn rẹji amẹn ọsi Mer′i·bah. 25 Ne Aaron bi ọmọn-okpea nọnsọle nin El·e·a′zar, uwẹ ha ne ele re bhi okhun Oke ọsi Hor. 26 Kuẹ ukpọn nin Aaron mun yọ, uwẹ ha mun yọ El·e·a′zar nin ọmọn nọnsọle. Enin Aaron ha da yu.” 27 Bhiriọ, Moses da lu beji Jehova taman ọlẹn. Ele da hẹn Oke ọsi Hor bhi odalo ene ẹbho rebhe.