Numbers
16 Bhiriọ, Kor′ah nin ọmọn nọnsi Iz′har, nin ọmọn nọnsi Ko′hath, nin ọmọn nọnsi Le′vi, da kpanọ, ọle bi Da′than bi A·bi′ram nin imọn nesi E·li′ab, bi On nin ọmọn nọnsi Pe′leth, nọn yi ọkpa bhi imọn nesi Reu′ben. 2 Ele bi ikpea ebhebhe ne yi ibhokhan Izrẹl ne yi itue 250, ene ekhaẹmhọn ọsi ọne agbaẹbho, ene a zẹle bhi ọne agbaẹbho, bi ene ikpea kpataki da kpanọ bu iMoses. 3 Bhiriọ, ele da kugbe nẹga iMoses bi Aaron yẹ taman ele yọle: “Egbe ibha lọ mhan! Ọrebhe bhi ọne agbaẹbho nan khiamhin, ele rebhe, Jehova yẹ ribhi ẹwẹ ele. Bhiriọ, bezẹle nin bha ha ki da ha tuẹn egbe bha okhun gbera ene ẹbho nesi Jehova nan? 8 Moses da taman iKor′ah yọle: “Huẹan, bha kaehọ, ibha nin imọn-ikpea nesi Le′vi. 9 Ibha be riale ghe obhi emhin khere nọn nin Osẹnobulua ọsi Izrẹl rẹ zẹ bha bhi ẹwẹ ibhokhan Izrẹl rebhe, yẹ re otọ nin bha rẹ bu ọle re beji bha ha da ha lu iwẹnna bhi uwa oga ọsi Jehova, yẹ mundia bhi odalo ibhokhan Izrẹl rebhe ha lu iwẹnna oga nin ele, 10 sẹyẹ, ghe ọle si bha bi ibhio bha nin imọn-ikpea nesi Le′vi kẹ egbe? Ihe ọsi ohẹn ibha be yẹ guanọ nin bha mun? 11 Ranmhude ọnan, uwẹ bi ẹbho rebhe ne sikoko nẹ yẹ deba ibo nọnsẹ, ne Jehova ha suan. Họbhọ hi Erọn nin bha da ha zaka-zunyọn da ọle?” 12 Akizẹbue, Mozis da je nan dọ tie Detan bi Abairam nin imọn nesi Ẹlaiyab re. Sokpan, ele da yọle: “Mhan ida vae! 13 Uwẹ be riale obhi emhin khere nọn nin uwẹ rẹ ne mhan sibhi otọ nin miliki bi amẹnlọn vuọn re, yẹ ne mhan vae bhi ẹkẹ ọne ojẹgbo nan nin mhan dọ yuno? Bhi ejayenan nian, uwẹ be ho nin uwẹ re egbe uwẹ kiẹn ojie nọnsẹmhan? 14 Beji ọ dia nian, uwẹ bha sẹ ne mhan nabhi ọne otọ nin miliki bi amẹnlọn vuọnlẹn, la mun otọ alebhuku bi ugbo nin mhan. Uwẹ dẹ be gbono ene ikpea nin ẹlo a? Mhan ida vae!” 28 Bhiriọ, Mozis da yole: “Ọnan bha ha rẹ lẹn ghe, Jehova hi ọnọn je mẹn nin mẹn lu ene emhin nan rebhe, ghe ọ iyi ọkhọ obọmẹn mẹn rẹ lu ele. 29 Ahamiẹn ene ẹbho nan rebhe yu bhi uwẹde nin ẹbho nekẹle rẹ yu, seyẹ ahamiẹn oya nan ha re nin ele dẹ diabe oya nan re nin ẹbho nekẹle, ọ ki rẹman ghe ọ iyi Jehova je mẹn. 30 Sokpan, ahamiẹn Jehova lu emhin ọhan-ilo bhi egbe ele, nin otọ da tuje unun an yẹ so ele rebhe lọlọ bi emhin rebhe nin ele mhọnlẹn, ghe ele rebhe da khuelo bhi ẹkẹ idin arẹmiẹn ele bha sẹ yu, ibha rebhe ki dọ lẹn sẹbhọ ghe, ene ikpea bha mun ikpẹn nin Jehova.” 32 Bhiriọ, otọ da tuje unun an yẹ so ele lọ, azagba-uwa nọnsele, ẹbho rebhe nesi Kor′ah, bi emhin rebhe nin ele mhọnlẹn. 35 Bhiriọ, eranlẹn da na obọ iJehova vae yẹ tuẹ ikpea a ne yi itue 250 ne ha re emhin nọn vin-ohin rẹ zọese.