Zechariah

16 “Enan hi ene emhin nin bha ha lu: Bha ha ta ẹmhọanta man egbe. Bha ha re ibhohiẹn nesẹbha bhi isi ene geti rẹ ha tuẹn ẹmhọanta bi ọfure okhun. 17 Bha hẹi ha mhanmhan emhanmhan ọbe khẹ ọdeọde bhi ẹkẹ ọkhọle nọnsẹbha. Bha hẹi ji ọle ha ti bha bhọ rẹ ha ve ihẹn ohoghe. Emhin nin mẹn hele enan rebhe khin,’ iriọ Jehova tale.” 20 “Inian Jehova nọn nyan ene eyokulo tale, ‘Ọ dẹ sunu ghe usun ẹbho bi ẹbho ne nyẹnlẹn bhi agbaẹbho ne bunbun ki vae; 21 ene nyẹnlẹn bhi agbaẹbho ọkpa ki dọ taman ene ribhi agbaẹbho ọbhebhe yọle: “Bha ji mhan dọ bu iJehova nin ọle rẹkpa mhan, bha ji mhan dọ guanọ iJehova nọn nyan ene eyokulo. Mhẹn dẹ yẹ yo.” 22 Ẹbho ne bunbun bi agbaẹbho ne khua dẹ vae bhi Jerusalem nin ele dọ guanọ iJehova, ele dẹ dọ bhii iJehova nin ọle rẹkpa ele.’ 23 “Inian Jehova nọn nyan ene eyokulo tale, ‘Bhi ene ikpẹdẹ nin, ikpea igbe ne na bhi agbaẹbho bi urolo kẹkẹ vae ki fiobọ mun ukpọn, ehe, ele dẹ manman fiobọ mun ukpọn ọsi obhi Jew yẹ taman ọlẹn yọle: “Mhan ho nin mhan rẹkhan bha, ranmhude mhan họn ghe Osẹnobulua ribhi ẹwẹ bha.” ’ ”