Zechariah

3 “Jehova dẹ mun okhọn bu ene agbaẹbho rebhe beji ọle rẹ khọn bhi ukpẹdẹ okhọn. 4 Bhi ọne upẹdẹ nin, oẹ nọnsọle ki ha ribhi okhun Oke Olives, oke nọn mun ẹlo da iJerusalem bhi obọ nin ovuẹn da hẹnre; Ọne oke Olives ki waa yi eva, rẹ nanbhi eji ovuẹn da hẹnrẹ rẹsẹbhi eji ovuẹn da de. Eji ọ da waa nin ki kiẹn udede iyala; obọ ọkpa ọsi ọne oke ki diọbhi obọ ọsi okhun ọlẹn, ọnọnkẹle ki diọbhi obọ ọsi otọ ọle. 5 Bha ki nẹ diọbhi iyala nọn ribhi oke nesẹmhẹn, ọne iyala bhi ene oke ki bhia rẹ sẹbhi Aʹzel. Bha dẹ nẹ beji bha rẹ nẹ bhi ukpẹdẹ nin otọ mun vẹa bhi ẹghe nọnsi Uz·ziʹah, Ojie nọnsi Judah. Jehova nin Osẹnobulua nọnsẹmhẹn ki vae, ene khiale rebhe ki deba ọle. 6 “Bhi ọne ukpẹdẹ nin ukpa nọn ghanlẹn ida ha ribhọ​​—⁠emhin ki zeze a.  7 Aki lẹn ọne ukpẹdẹ nin ọbhi ukpẹdẹ nọnsi Jehova. Ọida ha yi asọn la odanmhẹn; ukpa dẹ ha ribhọ bhi ẹghe ọsi emuan. 12 “Ọnan hi ọkakale nin Jehova ha rẹ re oya nin ene mun okhọn bu iJerusalem: Egbe nọnsele ki lala a bhi imundia, ẹlo nọnsele ki lala kua bhi uhọnmhọn nọnsele, olanmhẹn nọnsele ki lala kua bhi unun nọnsele. 15 “Ọkakale nọn dia iriọ ki yẹ sunu ji ene akasi, ene kẹtẹkẹtẹ, ene elanmhẹn natiọle mule, ene elanmhẹn natiọle camel, bi ene elanmhẹn rebhe ne ribhi ene agọ.