Zechariah

12 Bhiriọ, ẹhi nọnsi Jehova da yọle: “Eo Jehova nọn nyan ene eyokulo, be ọ ha ree sẹ yẹ uwẹ kuẹ mhọn itohan da iJerusalem bi agbaẹbho nọnsi Judah, nọn ki sẹbhi ikpe 70 nian nin ẹkẹ ele mọn da khọ uwẹ?” 13 Jehova da re ọta ikoudure bi ifuẹkẹ rẹ wanniẹn ọne ẹhi nọn ha ne imẹn talọ. 14 Ọne ẹhi nọn ha ne imẹn talọ da taman mẹn yọle: “So dagbare, ‘Ọnan hi ebi Jehova nọn nyan eyokulo tale: “Mẹn mhọn ọyaya nọn khua da iJerusalem bi Zion. 15 Ene agbaẹbho nin egbe fure, ẹkẹ ele manman wo ha khọ mẹn, ranmhude, arẹmiẹn mẹn bha rẹ ka manman ha khọẹkẹ gbe, ele da re ba ọne ọkakale.”’ 16 “Bhiriọ, ọnan hi ebi Jehova tale: ‘“Mẹn dẹ mhọn itohan da iJerusalem yẹ fikie bu ọle. Sẹyẹ, a dẹ bọn uwa nọnsẹmhẹn bhi enin,” iriọ Jehova nọn nyan ene eyokulo tale, “a dẹ taan ukpiri nan rẹ mhaan emhin na bhi Jerusalem.”’