Haggai

3 ‘Ọria nela nọn bhi ẹwẹ bha nọn lẹn ọne uwa oga nan khẹ, bi uyi nọn ha mhọnlẹn? Be ọ ki dia yẹ bhi ẹlo nọnsẹbha nian? Ọ bha be diabe emhin nọn bha sẹ emhin soso sade a re ọle khọkhọ ọle?’ 4 Inian Jehova tale, “bhi ejayenan nian, mun zeze iZe·rubʹba·bel, uwẹ ha yẹ deziẹn iJoshua, ọmọn nọnsi Je·hozʹa·dak, nin ojohẹn. Bha yẹ mun zeze, ibha rebhe ne ribhi ọne otọ, bha dọ wẹnna,’ iriọ Jehova tale. “‘Ranmhude mẹn ne ibha dia,’” iriọ Jehova nọn nyan ene eyokulo tale. 5 “Bha yere ive nin mẹn ve nin bha bhi ẹghe nin bha re dagbare bhi Egypt. Ẹlinmhin nọnsẹmhẹn ne bha dia. Bha hẹi ji ofẹn mun bha.’” 6 “Ọnan hi ebi Jehova nọn nyan ene eyokulo tale, ‘Osukpa sẹyẹ—bhi obhi ẹghe khere—mẹn dẹ mun otọ bi okhun lueghe, deba okpẹdẹ bi ọne otọ nọn kale.’ 7 “‘Mẹn dẹ lueghe ene agbaẹbho rebhe, emhin ne ghanlẹn rebhe ne ribhi ene agbaẹbho ki na mẹn bhi uwa; bhiriọ mẹn ki re uyi vuọn ọne uwa nan,’ iriọ iJehova nọn nyan ene eyokulo tale. 8 “‘Imẹn nyan ene siliva, imẹn nyan ene igolu,’ iriọ iJehova nọn nyan ene eyokulo tale. 9 “‘Bhi ẹghe odalo, uyi ọsi ọne uwa nan dẹ kpọnọ gbera ọsi ọnọn ka ribhọ khẹ,’ iriọ Jehova nọn nyan ene eyokulo tale. “‘Mhẹn dẹ yẹ ji ọfure ha ribhi enan,’ iriọ Jehova nọn nyan ene eyokulo tale.” 20 Ukpẹdẹ nọnzi 24 bhi ọne uki, Hagʹgai da họn ọta nọnsi Jehova ugba ọzeva yọle: 21 “Taman Ze·rubʹba·bel nin gọvanọ ọsi Judah ghe, ‘Mẹn dẹ mun otọ bi okhun lueghe. 22 Mẹn dẹ dunmhun ojukhuo ọsi ene agbejele a, yẹ re ọkpẹnlẹn ọbhi ahu ọsi ene agbejele ọsi ene agbaẹbho; mẹn dẹ yẹ dunmhun ene awẹnẹwẹnẹ bi ene hẹn ọlẹn an. Ene akasi bi ene hẹn ele dẹ fuẹn egbe ele a, ọdeọde ki re agbada rẹ gbe obhio ọle a.’”