Habakkuk
16 Mẹn ki họn ẹmhọn ọlẹn, mẹn da ha guọ bhi ẹkẹ egbe. Ikpobọ-unun nọnsẹmhẹn da ha guọ ranmhude ebi ọ rẹ ha ro dagbare yẹ. Iguẹ nesẹmhẹn da ha wowoa. Oẹ nesẹmhẹn da ha guọ. Ọkpakinọn, mẹn da fẹkẹ ha khẹ ẹdẹ ugbekhuelo nọn de bu ene mun ọkhọnlẹn bu mhan. 17 Aharẹmiẹn ọne oran natiọle fig bha gbeghọn, La eran natiọle vine bha ka mọn ikpẹ; Aharẹmiẹn oran natiọle olive bha sabọ mọn ikpẹ, La ugbo nan rẹ mun bha sabọ biẹ ebale; Aharẹmiẹn usun ihuan iyẹ ribhi uwa nọnsele, La ẹmena iyẹ ribhi uwa nọnsele; 18 Bhi ọsẹmhẹn, mẹn dẹ ha ghọnghọn ranmhude Jehova; Mẹn dẹ sẹyẹ ha ghọnghọn ranmhude Osẹnobulua nọnsẹmhẹn nọn ha hinmhin mẹn. 19 Jehova nin Ebeanlẹn Nọn Kokhun Nẹ, ọle hi ahu nọnsẹmhẹn; Ọle dẹ lu ọle nin oẹ nesẹmhẹn diabe ọsi ẹruẹ, Ọle dẹ rẹkpa mẹn nin mẹn da sabọ ha hẹn eje yoyo.