Habakkuk
2 Eo Jehova, eka ẹghe mẹn ha viẹ bu uwẹ re sẹ, nin uwẹ rẹkpa mẹn, nin uwẹ bha da kaehọ? Eka ẹghe mẹn ha viẹ bu uwẹ re sẹ, nin uwẹ hinmhin mẹn bhi ugbe bi okhọlẹn, nin uwẹ bha da lu emhin soso? 3 Bezẹle nin uwẹ da ji mẹn da ha daghe emhin ọbe? Bezẹle nin uwẹ da gbesẹa nin udenyẹnyẹn? Bezẹle nin igbugbe bi ozughu da vuọn ike vuọn alo? Bezẹle nin ovan bi okhọnlẹn da kpọa? 5 “Fe ene agbaẹbho rebhe ghe, bha ha gbẹlokotọ! Nyan ẹlo a ha ghe, bha ha ji ọle han bha ilo. Emhin dẹ sunu bhi ẹghe nin bha rẹ nyẹnlẹn, emhin nin ibha ida sabọ rẹọ aharẹmiẹn a tale man bha. 6 Ejayenan nian, mẹn dẹ tie ene Chal·de′ans ne fibhẹlo, ne kẹ wo miẹn ohu. Eje ele sẹ diọ bhi ọne oto nan nin ele dọ ha miẹn ẹbho uwa nọnsele wo kpọnọ. 7 Ugboriri bi ofẹn wo rẹkhan ele. Ele hi ene tobele mun ahu gbọ, yẹ tobele tare ebe diale nin ele ha lu. 12 Eo Jehova, ọi be yi ighegheghe uwẹ na vae? Osẹnobulua nọnsẹmhẹn, Ọnọn Khiale nọnsẹmhẹn, uwẹ isabọ yu. Eo Jehova, uwẹ re ele mundia nin ele mun ibhohiẹn re; Uwẹ nin Udo nọnsẹmhẹn, uwẹ hi ọnọn mun ele gbọ nin uwẹ ha noo ele rẹ re oya nin ẹbho. 13 Ranmhude ẹlo nọnsẹ manman khia, uwẹ isabọ kuẹlo ọbhi emhin ọbe. Uwẹ ida sabọ gbesẹa nin emhin ọbe. Bhiriọ, bezẹle nin uwẹ da re ẹghe nin ọria nọn imhẹn? Bezẹle nin uwẹ da huẹnan sade ọria ọbe mun ọria nọn khia gbera ọle so lọlọ? 14 Bezẹle nin uwẹ da man okpea beji uwẹ rẹ man ehẹn ne ribhi ẹkẹ ẹdẹ, bi emhin ne lẹnlẹn bhi otọ ne imhọn ọnọn gbẹloghe ele? 17 Bhiriọ, ọle dẹ be ha ji ọgan nọnsọle ka? Ọle dẹ be ha gbono agbaẹbho a khian, ghe ọle bha ha mhọn ẹjẹjẹ?