Leviticus

8 “Bha ki ka ikpe isabbath ihinlọn, ikpe ihinlọn bhi ijian ihinlọn, ene ikpe rebhe ọsi ene ikpe isabbath ihinlọn ki dọ ha yi ikpe 49. 9 Bhiriọ, uwẹ ki re akala khue bhi ukpẹdẹ nọnzi igbe bhi uki nọnzi ihinlọn. Bhi ukpẹdẹ izọese, bha ki khue ọne akala nan da họn ẹmhọn ọlẹn bhi otọ nọnsẹbha rebhe. 10 Bha ji ukpe nọnzi 50 ha yi ukpe nọn khiale bhi ẹlo nọnsẹbha, bha ha wewe ẹmhọn umiẹnfan nẹga man ọrebhe bhi ọne otọ. Ọne ukpe dẹ ha yi Jubilee rẹji bha. Ọdeọde bhi ẹwẹ bha dẹ fikie bu azagba-uwa nọnsọle bi emhin uku nọnsọle. 11 Jubilee ọne ukpe nọnzi 50 da ha khin rẹji bha. Bha hẹi re emhin soso kọ, la rọ emhin soso nọn do jẹre bhi ugbo, la rọ ikpẹ ivine soso bhi ugbo nan mun fia. 12 Ranmhude Jubilee ọ khin. Ọkhẹke nọn ha yi ebe khiale. Ibha sabọ rẹ le emhin nin ọne otọ tobọle biẹ. 15 Eka ikpe ne gbera ọne ukpe nan rẹ lu iluemhin Jubilee fo, ọle uwẹ ha mun ọbhi ọkhọle rẹ ne okpea ibo ẹ dẹ emhin. Sẹyẹ, ene ikpe ne kẹre nan ha rẹ lu iwẹnna ugbo ọle ha mun ọbhi ọkhọle rẹ khiẹn nin uwẹ. 18 Bha ha re obọ rẹkhan adia nesẹmhẹn yẹ lu rẹkhan ene uhi nin mẹn gbe nin bha, bha ki miẹn ugbega bhi ọne otọ nin bha ha da nyẹnlẹn. 19 Ọne otọ dẹ biẹ ebale, sẹyẹ bha ki le khọn yẹ miẹn ugbega bhi enin. 20 “‘Ọkpakinọn, bha ha ki yọle: “Be imhan ha ki le bhi ukpe nọnzi ihinlọn sade mhan bha kọ emhin ugbo la rọ emhin ugbo?” 21 Mẹn dẹ nan erọnmhọn nin bha bhi ukpe nọnzi ehan, bhiriọ, ọne otọ ki biẹ ebale nin bha nọn ha sẹ ibha rẹ nabhi ikpe ea. 22 Bhiriọ, bhi ukpe nọnzi elẹnlẹn, bha ki kọ emhin ugbo yẹ le emhin ugbo nọn ka ribhọ khẹ rẹ dọ sẹbhi ukpe nọnzi isinlin. Ọkuẹsẹ ọne ugbo wo sẹ ebi a ha rọ, bha ki ha le bhi ene emhin ugbo nọn ka ribhọ khẹ.