Leviticus

11 Okpea nọn ne okhuo aba ọle nowẹ, re eban nọnsi aba ọle man. Ọkhẹke nan wo gbono ele veva a. Aranlẹn nọnsele ri ele bhi uhọnmhọn. 22 “‘Bha dẹ re obọ rẹkhan adia nesẹmhẹn rebhe bi uhi nesẹmhẹn rebhe, bha ki yẹ mun ele sẹ, beji a da miẹn ghe ọne otọ nin mẹn ha mun bha diọ nin bha da nyẹnlẹn ida kpa ibha kua. 23 Bha hẹi lu rẹkhan ene adia nesi ene agbaẹbho nin mẹn khu sibhi odalo nọnsẹbha re; ranmhude ele lu ene emhin nan rebhe, imẹn he ele. 24 Ọnin zẹle nin mẹn da taman bha yọle: ‘Bha dẹ re otọ nọnsele kiẹn ọsẹbha, mẹn dẹ mun ọne otọ nin bha nọn ha yi ọsẹbha, otọ nin milik bi amẹnlọn vuọnlẹn. Jehova nin Osẹnobulua nọnsẹbha mẹn khin, nọn ne ibha sibhi eji ene ẹbho ye re.” 25 Bha dẹ rẹman ikikẹ nọn ribhi ẹwẹ elanmhẹn nọn khiale bi ọnọn bha khia bi ikikẹ nọn ribhi ẹwẹ afianmhẹn nọn khiale bi ọnọn bha khia; bha hẹi re elanmhẹn la afianmhẹn la emhin nọn hi ki rẹ khin nọn lẹnlẹn bhi otọ nin mẹn yọle nin bha ha ghe bii ebe bha khia, rẹ re egbe bha kiẹn emhin nọn sọnọ. 26 Bha dẹ ha yi eria ne khiale rẹji mẹn, ranmhude imẹn nin Jehova, imẹn khiamhin, sẹyẹ, imẹn ne bha sibhi ẹwẹ ene ẹbho re rẹ kiẹn ọsẹmhẹn.