Leviticus

3 Bha hẹi lu emhin beji ibhokhan iEgypt rẹ lu emhin, eji ibha da ka ha nyẹnlẹn. Sẹyẹ, bha hẹi lu emhin beji ibhokhan iCanaan rẹ lu emhin, eji mẹn ne bha khian. Bha hẹi khian rẹkhan uhi nọnsele. 4 Ọkhẹke nin bha re obọ rẹkhan uhi nesẹmhẹn, ibha ha yẹ re obọ rẹkhan adia nesẹmhẹn yẹ lu rẹkhan ele. Imẹn hi Jehova nin Osẹnobulua nọnsẹbha. 6 “‘Okpea soso bhi ẹwẹ bha hẹi bu obhio ọle nọn hi ki rẹ khin bhi ẹkẹ azagba-uwa nọnsọle dọ nanlẹn nowẹ. Imẹn hi Jehova. 22 “‘Hẹi ne okpea ibo ẹ nowẹ beji uwẹ rẹ ne okhuo nowẹ. Emhin nọn sọnọn nọn. 23 “‘Okpea hẹi ne elanmhẹn nowẹ ranmhude ọ dẹ re ọle kiẹn ọria nọn bha khia; sẹyẹ, okhuo hẹi re egbe ọle nin elanmhẹn ne nowẹ. Emhin awaa nọn. 24 “‘Bha hẹi noo ene emhin rẹ re egbe bha kiẹn emhin nọn bha khia, ranmhude ene emhin nan rebhe, ọle ene agbaẹbho nin mẹn khu sibhi odalo nọnsẹbha re rẹ ha re egbe ele kiẹn emhin nọn bha khia. 25 Ranmhude, ọne otọ bha khia. Bhiriọ, mẹn dẹ mun oya re bhi ọne otọ ranmhude olukhọ nọnsọle, ranmhude ọnan, ọne otọ ki kpa ene nyẹnlẹn bhọ kua.