Leviticus

5 “Ọle dẹ miẹn ibhokhan Izrẹl obhukhọ ne bha sẹ wanre eva ne rẹ lu izọese ọsi olukhọ bi oghogho ọkpa ne rẹ lu izọese nan tuẹ a. 7 “Ọle ki ne ene ẹbhe veva yẹ ne ele mundia bhi odalo Jehova bhi eji a da nabhi ibọkpọ ọsi oga. 8 Erọn ki fi ono ọbhi ene ẹbhe veva, ọkpa bhi ene ono hi ọsi Jehova, ọnọnkẹle hi ọsi Azazẹ. 9 Erọn ki mun ọne ẹbhe nan re ono zẹ nọn ha yi ọsi Jehova, yẹ re ọle lu izọese ọsi olukhọ. 10 Ọkpakinọn a ki mun ọne ẹbhe nan fi ono rẹ zẹ nan ha rẹ lu Azazẹ vae bhi odalo Jehova, a i da gbe ọne ẹbhe a ọkuẹsẹ a mun ọlẹn re, nin a ha da zọese ọbhọ, beji a ha da je ọle kpanọ ha khian ojẹgbo nin ọle ha yi Azazẹ. 12 “Bhiriọ, ọle ki mun emhin nan rẹ gua eranlẹn, nin igiọnmhẹn eranlẹn ye sibhi ojukhuo ọsi izọese re, bhi odalo iJehova. Ọle ki yẹ ne akoko-obọ eva ọsi emhin nọn vin-ohin mhọnlẹn. Ọle ki ne ele re bhi ẹkẹ eji a re ukpọn rẹ wa a. 13 Bhi odalo iJehova, ọle ki biri ọne emhin nọn vin-ohin ọbhi ọne igiọnmhẹn eranlẹn. Ighogho nọn ha sibhi ọne emhin nọn vin-ohin re, ki gue uvue ọsi ẹkpẹti akovẹn nin ene Uhi ribhi ẹlẹ ọle. Inian ọle ha lu nan da miẹn ghe ọle bha yu. 20 Ọle ha ki zọese ọbhi ije khiale, ibọkpọ ọsi oga bi ukhuo-izọese fo, ọle ki mun ọne ẹbhe nan bha gbe a re. 21 Erọn ki ne obọ veva nyan uhọnmhọn ọsi ọne ẹbhe nan bha gbe a, yẹ ka emhin ebe ọsi ibhokhan Izrẹl rebhe bi idobọ nesele nyan ọlẹn, ọle ki ka ele ọbhi uhọnmhọn ọsi ọne ẹbhe, yẹ mun ọne ẹbhe nin okpea na zẹ nọn ji ọle ha khian ojẹgbo. 22 Ọne ẹbhe ki mun olukhọ nọnsele rebhe ha khian otọ nọn manman ree, ọle ki ji ọne ẹbhe ha khian ẹkẹ ojẹgbo.