Leviticus

4 Ọkpakinọn, ahakimiẹn ghe ọne aman nọn ri ọle bhi egbe fua, ghe ọ bha dinmhin gbera efun-egbe nekẹle, sẹyẹ, ghe eto ne ribhi enin bha sẹ ha fua, ọne ohẹn ki re ọne ọria nọn mhọn ọne emianmhẹn sibhi ẹwẹ ẹbho nekẹle re rẹ nabhi ikpẹdẹ ihinlọn. 5 Bhi ukpẹdẹ nọnzi ihinlọn, ọne ohẹn ki dọ fẹ ọne ọria ghe. Ọle ha ki kere ghe ọne emianmhẹn fo, ghe ọ bha vẹ nabhi efun-egbe nọnsọle, ọne ohẹn ki yẹ zẹ ọle obọ bhi eji ẹbho iye rẹ nabhi ikpẹdẹ ihinlọn ọbhebhe. 45 Rẹji ọne ọria nọn khọnmhọn emianmhẹn egbekẹn, ọle dẹ vinọn ikpọn nesọle a, sẹyẹ, ọle ida hẹnhẹn eto nọn ri ọle bhi uhọnmhọn. Ọle dẹ gue eto-agban nọnsọle yẹ ha so yọle, ‘Mẹn bha khia, mẹn bha khia!’ 46 Ọle dẹ ha yi ọria nọn bha khia rẹ nabhi ọne ẹghe rebhe nin ọle ha rẹ ha khọnmhọn ọne emianmhẹn. Beji a miẹn ghe ọle bha khia, ọle dẹ ha nyẹnlẹn bhi eji ẹbho iye. Ọle ida ha nyẹnlẹn bhi ẹkẹ ọne agọ. 52 Ọle dẹ tuẹ ọne ukpọn la ene olu kẹkẹ nan rẹ fi ọne ukpọn iwool la ukpọn ilinen la ukpọn ohian nọn hi ki rẹ khin nin ọne emianmhẹn da zegbere, ranmhude emianmhẹn egbekẹn ọsi ọbe nọn. A dẹ re eranlẹn tuẹ ọle a. 57 Ọkpakinọn, ahamiẹn ghe ọ sẹyẹ zegbere bhi ije ọbhebhe bhi ọne ukpọn la ene olu kẹkẹ nan rẹ fi ọne ukpọn iwool la ukpọn ohian nọn hi ki rẹ khin, ọ rẹman ghe ọne emianmhẹn vẹ khian. Uwẹ dẹ re eranlẹn tuẹ emhin nọn hi ki rẹ khin nin ọne emianmhẹn na ọi.