Jeremiah
7 Eo Jehova, uwẹ hiẹ mẹn, mẹn da gene deọbhọ. Uwẹ noo ahu nọnsẹ bhi egbe mẹn, uwẹ da khọn miotọ. Mẹn ki kiẹn ebi a rẹ zojiẹ ẹdẹ rebhe; ẹbho rebhe ki jiẹ mẹn. 8 Ẹghe nọn hi ki rẹ khin nin mẹn rẹ tan unun an talọ, ọta nin mẹn wewe nẹga hi, “Ugbele bi ugbekhuelo!” A da wo dọ ha jiẹ mẹn yẹ ghunmhun mẹn ranmhude ọta nọnsi Jehova. 9 Bhiriọ mẹn da yọle: “Imẹn iyẹ da sounun bhi ẹmhọn ọlẹn, imẹn iyẹ da tẹmhọn elin ọlẹn.” Ọkpakinọn, bhi ọkhọle nọnsẹmhẹn, ọ da diabe a kuẹ eranlẹn ọbhi iguẹ nesẹmhẹn. Imẹn bha yẹ sabọ mun ọlẹn mhọn, yẹ ha ziẹngbe ọle. 12 Ọkpakinọn, eo Jehova nọn nyan ene eyokulo, uwẹ hi ọnọn lẹn ọnọn mhẹn; Uwẹ hi ọnọn daghe ebi ọria mhọn bhi ọkhọle bi ebi ọria ria bhi otọ ẹkẹ. Ji mẹn daghe ebi uwẹ ha rẹ re ihaosa nin ele yẹ bhi emhin ebe nin ele lu.