Jeremiah
16 Inian Jehova tale: ‘Ejayenan nian, mẹn dẹ datie ẹbho ne bunbun ne gbe ehẹn. Ele ki guanọ ele. Ọnin ha ki gbera, mẹn ki datie ohuẹ ne bunbun. Ene ohuẹ ki guanọ ele na bhi uki oke rebhe bi bhi ẹkẹ ihio ne ribhi oke yẹ muno ele. 18 Ọhẹnhẹn, mẹn ki re ihaosa nin ele bhi olukhọ bi emhin ọbe nọnsele. Ele noo ẹbọ nọnsele ne imhọn iẹnlẹn rẹ re itọn ọbhi otọ nọnsẹmhẹn. Sẹyẹ, ele re emhin ne sọnọn nọnsele rẹ gba emhin uku nọnsẹmhẹn.’” 20 Ọria dẹ be sabọ man osẹ nin egbe ọle, arẹmiẹn ele igene yi osẹ ọsaje? 21 “Bhiriọ, mẹn dẹ ji ele lẹn, Bhi ejayenan nian, mẹn dẹ re ahu nọnsẹmhẹn man ele, yẹ ji ele lẹn ghe mẹn ziẹnmhin. Ele ki dọ lẹn ghe Jehova hi elin nọnsẹmhẹn.