Genesis
47 Bhiriọ, Joseph da bu Pharʹaoh yẹ dọ taman ọlẹn yọle: “Aba mẹn, ibhio mẹn, emhin-uri nesele, bi emhin nin ele mhọn rebhe na bhi otọ iCaʹnaan vae. Ele ribhi otọ iGoʹshen.” 2 Ọle da ne itue isẹn bhi ẹwẹ ibhio ọle bu iPharʹaoh. 3 Pharʹaoh da nọọn ibhio ọle yọle: “Be hi iwẹnna obọ nọnsẹbha?” Ele da wanniẹn iPharʹaoh yọle: “Ene re ihuan kọn mhan khin, imhan bi aba mhan nin odede.” 4 Ele da taman iPharʹaoh yọle: “Mhan vae nin mhan dọ nyẹnlẹn bhi ọne otọ nan bọsi eriọbhe, ranmhude, emhin-uri nesi eguọmhandia nesẹ bha yẹ miẹn ebale le, ranmhude ọne ukhunmhun kaka gbe bhi otọ iCaʹnaan. Huẹan, ji eguọmhandia nesẹ da ha nyẹnlẹn bhi otọ iGoʹshen.” 5 Pharʹaoh da ki taman iJoseph yọle: “Aba ẹ bi ibhio ẹ bu uwẹ re bhi enan. 6 Obọ nọnsẹ, ọle otọ Egypt rebhe ye. Ji aba ẹ bi ibhio ẹ ha nyẹnlẹn bhi eji mhẹn nẹ bhi ọne otọ rebhe. Ji ele ha nyẹnlẹn bhi otọ iGoʹshen. Sẹyẹ, ahamiẹn uwẹ lẹn ọsoso bhi ẹwẹ ele nọn sabọ wẹnna nọnsẹn, mun ele obọ bhọ ne ha gbẹloghe emhin-uri nesẹmhẹn.” 7 Joseph da re aba ọle nin Jacob bu iPharʹaoh. Jacob da nan erọnmhọn nin Pharʹaoh. 8 Pharʹaoh da nọọn iJacob yọle: “Eka ikpe uwẹ khin?” 9 Jacob da taman iPharʹaoh yọle: “Ikpe 130 mẹn sẹ rẹ zozo nẹga. Ikpe nin mẹn sẹ gbe bha agbọn bha miẹn eji ọ sẹ, sokpan, ọbalọ yẹ wo rẹkhan ọlẹn. Ene ikpe bha tan sẹbi ikpe nin aba mẹn nin odede rẹ nyẹnlẹn bhi ẹghe nin ele rẹ ha zozo.” 10 Jacob da ki nan erọnmhọn nin Pharʹaoh yẹ sibhi eji ọle ye re. 11 Bhiriọ, Joseph da ne aba ọle bi ibhio ọle ọbhi eji ele ha dia. Ọle da mun otọ nin ele bhi otọ Egypt, otọ nọn mhẹn nẹ ọle mun nin ele, bhi otọ Ramʹe·ses, beji Pharʹaoh tale. 12 Joseph da ha mun ebale ji aba ọle, ibhio ọle, bi ọrebhe ne ribhi azagba-uwa nọnsi aba ọle beji imọn nesele bun sẹ. 13 Ejayenan nian, ebale bha yẹ ha ribhi ọne otọ rebhe, ranmhude, ọne ukhunmhun nọn ha fi kaka gbe. Sẹyẹ, otọ Egypt bi otọ iCaʹnaan da wo ka, ranmhude ọne ukhunmhun. 14 Joseph da ha koko igho rebhe nọn ribhi otọ Egypt bi otọ iCaʹnaan, igho nin ẹbho rẹ dọ ha dẹ ebale. Ọle da ha koko ọne igho nabhi uwa nọnsi Pharʹaoh. 15 Akizẹbue, igho da fo bhi obọ ẹbho rebhe ne ribhi otọ Egypt bi otọ iCaʹnaan. Ibhokhan Egypt rebhe da ki ha bu iJoseph re yẹ taman ọlẹn yọle: “Re ebale mhan le! Bezẹle nin mhan ha da yuno uwẹ bhi ẹlo ranmhude igho nọnsẹmhan fo?” 16 Joseph da ki yọle: “Ahamiẹn ibha iyẹ mhọn igho, bha ne emhin-uri nesẹbha re. Mẹn ki miẹn bha emhin-uri nesẹbha, yẹ khiẹn ebale nin bha.” 17 Bhiriọ, ele da ha ne emhin-uri nesele ji Joseph. Joseph da ha ne ebale nin ele yẹ miẹn ele akasi nesele, ẹbhe nesele, ihuan nesele, ẹmena nesele, bi ekẹtẹkẹtẹ nesele. Bhi ọne ukpe nin, ọle da wo ha muno ebale nin ele yẹ miẹn ele emhin-uri nesele. 19 Bezẹle nin mhan ha da yuno uwẹ bhi ẹlo, imhan bi otọ nọnsẹmhan? Dẹ mhan bi otọ nọnsẹmhan, uwẹ ha khiẹn ebale mhan, nin mhan bi otọ nọnsẹmhan kiẹn ọsi Pharʹaoh. Ne ikpẹ mhan, nin mhan da ha nyẹnlẹn, nin mhan hẹi yu, nin otọ nọnsẹmhan hẹi khiẹn otọ nin emhin soso iye.” 20 Joseph da dẹ otọ ọsi ibhokhan Egypt rebhe nin Pharʹaoh, ranmhude, ibhokhan Egypt rebhe, ele khiẹn otọ nọnsele, beji a miẹn ghe ọne ukhunmhun nọn ha fi kaka gbe; ọne otọ rebhe da kiẹn ọsi Pharʹaoh. 23 Joseph da ki taman ene ẹbho yọle: “Bha ghe ọle, men dẹ bha bi otọ nọnsẹbha nin Pharʹaoh ẹlẹnan. Bha ghe ikpẹ, bha ha kọ ọle ọbhi ọne otọ. 24 Ọ ha ki biẹ ebale, ibha ki waa ọle a ọbhi ijanlẹn isẹn, yẹ mun obọ ọkpa nin Pharʹaoh. Sokpan, obọ enẹn nekẹle ki ha yi ọsẹbha. Ọ ki ha yi ikpẹ nin ibha ha kọ bhi ọne otọ, bi ebale nin bha, ẹgbẹ-uwa nọnsẹbha, bi imọn nesẹbha ha le. 25 Bhiriọ, ele da yọle: “Uwẹ miẹn mhan fan. Ji ebeanlẹn mẹn re ẹlo esili ghe mhan. Mhan dẹ ha yi igbọn nesi Pharʹaoh.”