Genesis

44 Akizẹbue, ọle da taman ọnọn gbẹloghe uwa nọnsọle yọle: “Ne ebale vuọn ẹkpa ọsi ene ikpea beji ele ha sabọ mun sẹ. Uwẹ ha yẹ re igho ọsi ọdeọde ọbhi unun ẹkpa nọnsele. 2 Sokpan, uwẹ ki re ukpu siliva nọnsẹmhẹn ọbhi unun ẹkpa ọsi obhio ele nọn ke otọ ne. Uwẹ ha yẹ re igho nọnsọle ba ọle.” Ọle da lu emhin nin Joseph taman ọlẹn. 13 Bhiriọ, ele da sọ ukpọn nọnsele a. Ọdeọde bhi ẹwẹ ele da munọ ihẹ nọnsele ọbhi uke ekẹtẹkẹtẹ nọnsele, yẹ fikie ha khian ọne agbaẹbho. 16 Judah da wanniẹn ọlẹn yọle: Be imhan ha miẹn taman ebeanlẹn mẹn? Be imhan ha ta? Be imhan ha rẹ sabọ rẹman yẹ mhan khiamhin? Osẹnobulua ọsi ẹmhọanta daghe emhin ebe ọsi igbọn nesẹ. Igbọn mhan ki khin nian rẹji ebeanlẹn mhan, imhan rebhe bi ọria nan miẹn ọne ikpu bhi obọ nọnsọle. 17 Ọkpakinọn, ọ da yọle: Emhin nin mẹn ida sabọ lu ọnan khin! Ọne okpea nan miẹn ọne ikpu bhi obọ nonsọle, ọle da ha yi igbọn nọnsẹmhẹn. Ibha nekẹle rebhe, bha bu aba bha bhi ọfure 33 Ejayenan nian, huẹan, ji ọguọmhandia nọnsẹ de bhi enan an, bhi ihe ọsi ọne obhokhan, nin mẹn ha yi igbọn nọnsi ebeanlẹn mẹn, nin ọne obhokhan da sabọ rẹkhan ibhio ọle ha khian uwa. 34 Be imẹn ha rẹ fikie bu aba mẹn yẹ ghe ọne obhokhan bha rẹkhan mẹn? Mẹn ida sabọ ziẹngbe ọle nin mẹn rẹ daghe ọbabhegbe nin aba mẹn da ha ye!”