Illo Ọsi Solomọn

2 “Aroro ọkhọnkhan* nan miẹn bhi ẹwẹ mẹn gheghe khin,

Ehe, ukpi aroro nọn ribhi iyala.”*

 2 “Bọsi aroro nọn jẹre bhi ẹkẹ igbẹn,

Iriọ ọne imẹn hoẹmhọnlẹn dia bhi ẹwẹ imanmhẹn nekẹle.”

 3 “Beji eran apo rẹ dikẹ bhi eran nekẹle ne ribhi ẹgbo,

Iriọ ọne imẹn hoẹmhọnlẹn rẹ dikẹ bhi ẹwẹ ene usẹn-ikpia.

Ọ manman wo yẹẹ mẹn rẹ ha ribhi eji ọle ye, beji ọ rẹ yẹẹ ọria rẹ ha ribhi eji ọfu ye,

Sẹyẹ, beji ọ rẹ yẹẹ ọria rẹ ha le ikperan nọn mhẹn bhi unun, iriọ ẹmhọn ọlẹn rẹ yẹẹ mẹn.

 4 Ọle da re mẹn re bhi eji a da le ebale yẹ da anyọn,*

Ọle da re oyẹẹ rẹ gugu mẹn.

 5 Re keki nan re rezin lu nin mẹn le beji egbe ha da fu mẹn re;

Re apo nin mẹn, nin ahu da do mẹn bhọ,

Ranmhude egbe i yẹ ri mẹn bhọ nin mẹn rẹ ha ria ẹmhọn oyẹẹ nọnsẹ.

 6 Ọle kinọ obọ agobọ nọnsọle mẹn bhi urulu,

Yẹ re obera nọnsọle rẹ mun mẹn koko re.

 7 Eo, imanmhẹn ọsi Jerusalẹm,*

Bha re uzo bi ẹruẹ ne ribhi ẹwẹ rẹ ve ihẹn ọbhọ ghe,

Ghọle! Ọle vade.

Ọle hẹn ene oke yẹ san ele huẹnre.

Ghe ọle bhi enin, ọle re egbe gọ egbuwa nọnsẹmhan,

Ọle na iwindo ghe ẹkẹ uwa,

Ehe, ọle nabhi uhio iwindo ghe ẹkẹ uwa.

‘Kpanọ mundia, ọne imẹn hoẹmhọnlẹn,

Ọmanmhẹn nọnsẹmhẹn nọn mhọnse, vae nin mhan ha khian.

12 Aroro sọnọ re bhi otọ nọnsẹmhan,

Ẹghe nan rẹ jaja ikpabọ-eran ivain a ki ye,

Sẹyẹ, a họn usomhin ọsi idulu bhi otọ nọnsẹmhan.

13 Ikpẹ ọhẹnhẹn nin eran fig mọn munhẹn ha bholo;

Eran anyọn* gbeghọn, sẹyẹ ene eghọn viohin.

14 Eo idulu nọnsẹmhẹn, uwẹ nọn dọ nẹko

bhi ẹkẹ uhio ne ribhi udo,

Ji mẹn daghe uwẹ yẹ ji mẹn họn ukpuru nọnsẹ,

Ukpuru nọnsẹ manman mhẹn mẹn bhi ehọ, iriọ uwẹ yẹ rẹ mhọnse.’”

15 “Ne mhan mun ene alabe,*

Ene ikuẹkuẹ alabe ne riia ugbo eran anyọn* nọnsẹmhan an,

Ranmhude eran anyọn nọnsẹmhan gbeghọn.”

17 Ọkuẹsẹ ahoho munhẹn ha fi, la, ọkuẹsẹ ẹdẹ gbanọn an,

Jẹje fikiere, eo, ọne imẹn hoẹmhọnlẹn.

Bọsi uzo bi ẹruẹ, fan ene oke* ra ne wa mẹn bi uwẹ a.”