CH’ALI ABO KRAIST

Ch’atẹko Abo Kuma Ma Tene Ọjọ Egwa N, Kuma M’ẹnẹ ki Ch’ọna Ma

Iche n’iko kẹ kọ j’uchenyọ r’abo kuma ma tene Ọjọ egwa n, todu kẹ kp’ibe kaki ẹ chaka ka, ma gbọ n? Ichẹn̄wu ki d’abalẹ, rewa kaki t’abo kuma ma tene Ọjọ egwa n—kpai abo kuma ma jẹ kaki Ọjọ dọmo n—mu d’Amẹnibenu Jihofa. Iko ka, ẹn̄wu kuma tene ch’atẹko ẹn̄wu kia jẹn̄wu ma k’edọno kaki Ọjọ dọmọ.—Rom 1:20; 10:14.

GO VIDIO REWA—ABO KUMA MA N’UKẸDỌNO N NEKE N’UKẸDỌNO!—ABO KUMA MA TENE ỌJỌ EGWA N, UBILẸ, MẸ DOHI ENE-I:

Abu ujiwe Tommaso ch’atẹko wẹ kẹ neke j’uchẹnyọ r’abo kuma ma tene Ọjọ egwa n?

Ohi wẹ

Alu kuma che le

Ichẹn̄wu k’onẹ kaki Ọjọ dọmo n, m’ẹdọ wẹ du wanẹ kp’own, kẹ d’ibe k’ọla n̄wu. Kẹ la du n̄a kaki ẹ tene m’ibe ki kpẹ oji ọla lẹ kpai ẹn̄wu ki chi ki kp’ibe alẹ. (2Tim 2:24) Ch’oluka am’oji-ọla kia n̄eju. I la tene ch’oluka am’ẹn̄wu ki jẹn̄wu amonẹ wewe k’ẹdọno kaki ẹnẹ ki ch’ọna dọmọ? Ichẹn̄wu ki dabalẹ,d’amọtakada kpai am’vidio kuma che todu ẹn̄wu-i chekwu. Ma m’amọtakada Was Life Created? kpai The Origin of Life—Five Questions Worth Asking du manyu am’ọtakada ki defu Amanẹ Ukọchẹ todu ki neke lọla n̄wu wa ka li.

Ẹgba ejodudu ẹ neke ch’okpo ejuchẹnyọ r’ẹnẹ ki k’ẹdono kaki Ọjọ dọmọ n. Ẹ neke tene atẹko kwugbo ajuchẹnyo ki mọ tẹ le. N̄ọ rewa kaki Jihofa ach’atẹko wẹ kẹ neke j’uchẹnyọ r’abo k’ẹdọ ma chẹnyọ—dagba kuma ma jẹ kaki Ọjọ dọmọ ẹgba ejodudu n.—Ẹwn̄ 13:48.