D’ẹpa Ejodudu Ki dẹ JW.ORG Chekwu Iko Kẹ J’uchẹnyọ

Ma che am’vidio kpai am’oji-ọla ki d’ẹpa ejodudu efu intanẹti wa ki tunyu ẹdọ abo kuma ma ch’Amenibenu Jihofa n kia tene m’Ọjọ ochochi. (Ẹwn̄ 13:48) I la k’ọla lugbo am’ẹn̄wu ki defu inabali abeki am’ẹn̄wu k’amonẹ a kpibe kuma la a k’ọla lugbo-wn̄.

Abu ẹ neke d’ẹpa ejodudu ki dẹ jw.org chekwu iko kẹ j’uchẹn̄yọ?

• Na go amẹn̄wu ki dẹ intanẹti wa iko duu. D’ibe tọ amẹn̄wu etitọ kuma che dufu kẹ la li ọna kẹ neke du ch’abunẹ abo kia tene kọchẹ Baibul. (Kẹ neke li am’ẹn̄wu omunẹ ku ma che dufu etitọ efu ẹpa ejodudu, d’ọwọ tọ “li am’ẹn̄wu omunẹ.”) Ichẹn̄wu kẹ go amẹn̄wu ki dẹ intanẹti wa iko duu i la jẹn̄wu ẹ ma am’ọna etito kẹ j’uchẹn̄yọ.

• Du am’oji-ọla kpai am’vidio ojoji ojoji ki dẹ ẹpa ejodudu chanẹ oluka kpai onẹ. Amẹn̄wu-i neke jẹn̄wu wa ma ẹn̄wu k’amonẹ a kpibe oji wn̄ ichẹn̄wu ka d’oko uchẹnyọ eje.

• D’ẹpa ejodudu-i n̄a amonẹ. K’ọla lugbo oji am’ọla, kẹ la du n̄a ẹnẹ lẹ ọna ki neke li amẹn̄wu kia tene ma oji intanẹti wa.

• F’aletọ lẹ kpẹ n̄wu amonẹ. Abo ka tene ch’oluka kpai awa eju kp’eju n, ama i du ma ẹdọ kuma dejugo intanẹti wa. Todulẹ, hika kpẹ aletọ kia d’amonẹ l’eti epa ejodudu, oji am’ọla abẹki vidio kuma che dufu oji intanẹti wa n̄wu abo kia tene ma manyu.