CH’ALI ABO KRAIST

Ẹ Che Mọlatanẹ Todu Iko K’ẹwn̄ A Gbiti?

I che wa awuwu n ẹgba k’ẹn̄wu ẹgbiti a che ilẹ-i ki ma jẹn̄wu ọkọ dẹ n. Ẹn̄wu chi? Todu ka defu ọkpanachi otitala-i, Baibul la fuwa eti ka we dibe wa no “e-ẹwn̄ anana” ile-i. (1Tim 6:17; 2Tim 3:1) Ẹn̄wu ch’ujiwe k’Onu Jehoshafat kọ wa lugbo emọlatanẹ n̄w iko kẹwn̄ a gbiti k’ọkọ ma dẹ n?

Jehoshafat kẹdọno Jihofa iko k’amewo ẹnọla ma anyuma okpo. (2Iko 20:9-12) I lan̄ọ molatanẹ lugbo e k’amonẹ j’ewo ki n’aku kpai am’abo ide jọ. (2Iko 17:1, 2, 12, 13) Ichenyọ ka kẹdọno Jihofa ka lan̄ọ mọlatanẹ n̄w iko ẹgbiti, dabu Jehoshafat.

ẸN̄WU A NEKE CHE KA DU MỌLATANẸ N̄w IKO ẸGBITI K’ỌKỌ MA DẸ N?

Jẹnwu ade wẹ kpai Jihofa ki chẹ lonyanẹ: Jẹn̄wu ẹn̄wu kẹ nẹ ki bẹjọ. Jẹn̄wu ukẹdọno wẹ ugbo Jihofa kaki yana che ọna am’ẹn̄wu eku wẹ ọjọ duu ki chẹ lonyanẹ. (Mat 6:26; 1Tim 6:8) Ẹ ki jẹn̄wu iko ẹgbiti ki jẹ wẹ chẹn̄wu ki Jihofa ma tene n. (Rom 2:21) Kpibe alu kẹ neke nẹ ujẹwn̄ ef afu ẹgba k’una abẹki intanẹti ma dẹ n. K’amọtakada e-i ku ma kọ jugbo ka ugbo wẹ, ichẹwn ki jẹ che, kẹ downlodu am’ọtakada e-i ki defu ifonu tanẹ.

Mọla am’ẹn̄wu ọkọ tanẹ: F’ọme ejẹ bulọ kpai ọkọ ekpabiẹ n̄w ẹn̄wu ki ma chukpẹ n tak akanya ọla ọkọ ki wa. (Ita 22:7) Ichẹwn ki jẹ che, ẹ k’ujẹwn kpai am’ẹnwu eku maja. Ab’ẹkubọ a luchẹ todu ku ma neke n’ọkọ maja.

GO VIDIO Ẹ CHE MỌLATANẸ N̄W IKO UCHOBI-I? UBI LẸ DOHI AMI ENE-I:

Ifoto kwefu vidio “Ẹ CHE MỌLATANẸ N̄W IKO UCHOBI-I?” Ifoto kia du Baibul, ipa k’onẹ a dutẹ todu ẹn̄wu achigili, ifonu kpai abo kuma ch’ukọlọ unyi n̄a.

Ẹn̄wu a neke che kp’ọla wa ka du mọlatanẹ n̄w iko uchobi?

Your answer

Ifoto kwefu vidio “Ẹ CHE MỌLATANẸ N̄W IKO UCHOBI-I?” Amọmaye ẹnẹkẹlẹ ach’atẹko efu ukọlo ubọla lugbo unyi ekọ kpai ek’amadu wanẹ kwefu imọto lile.

Abu a neke mọlatanẹ ka ch’atẹko abo omunẹ?

Your answer