CH’ALI ABO KRAIST
G’ọla Wẹ Dabalu ki Jihofa a Gẹ
“Abo Jihofa cher’own̄ ẹdọ.” (Eli 149:4) Abu ama chaka jọkpa n, Jihofa a li am’ali ẹnyọ ka nẹ kpai am’ẹn̄wu ẹnyọ ka tene che. Ama, iko ka, i lọla n̄w wa ka li am’ali ẹnyọ ka nẹ n. Todu alu k’amonẹ a che wa, abẹki todu ẹbiẹnẹ ka che kwobi, a neke g’ọla wa kaki a ch’ẹnẹ du n, ki Jihofa la fẹdọ wa n. Ẹn̄wu neke ch’abunẹ wa iko ka kpibe abẹ-i?
Rewa kaki i ch’alu k’ali ẹwn̄ on̄ Jihofa ali n. (1Sam 16:7) Elẹ du n̄a kaki Jihofa ali wa t’alu k’onugo wa ali ọla wa le. Achugbede, Baibul ach’atẹko wa ka ma alu ki Jihofa ali wa le. A nunẹreju ẹwn̄-i ichẹwn̄ ka gba amọgba Baibul ki du tejugede kaki Jihofa a fẹdọ abo ku ma dojikanẹ-wn̄.
GO VIDIO MA KAKI JIHOFA A FẸDỌ WẸ, UBI LẸ MẸ DOHI AMI ENE-I:
Ẹn̄wu ujiwe ẹnẹ ki a rule-i kpai ata-wn̄ kọ wa lugbo alu ki Jihofa ali wa le?
Ichẹwn̄ k’ẹnẹ ki f’adure inaina ta ki la chẹwn̄ ki dukpẹ ki f’agbade own̄ kpai Jihofa n̄ọche, ẹn̄wu i neke kẹdọno kaki Jihofa a che?—1Jọn 3:19, 20
Abu ọmaye ẹnẹkẹlẹ-i jile kwefu Baibul egba kpai ibe ekpẹ nyọn̄ẹn̄ẹnẹ efu ọhiala Defid kpai Jihọshafat?