Alu ka Neke D’ami Vidio Ukọchẹ Baibul Chekwu

A n’ami vidio ukọchẹ Baibul mẹlẹ ka du chekwu efu uchẹnyọ ejẹ. Ẹn̄wu ch’ẹtẹ ku ma che vidio ojoji ojoji ki de?

• 

  Ẹn̄wu Chi ki Nyọ Kẹ Kọchẹ Baibul?—E-i ki Jiji. Ma che ki chatẹko amonẹ ku ma n̄eju Baibul dagba ẹn̄wu ku ma kẹdọno efu uchẹ Ọjọ egwa ma. Ya dẹdọ abo ku ma go kwanẹ ku ma gwili ohi am’ene ogbogaga ki defu Baibul. I la d’ujiwe ohi ene ka n̄a efu n̄wu. Ya dunẹreju ọna ka tene ukọchẹ Baibul le.

• 

  Ẹn̄wu Chi ki Nyọ Kẹ Kọchẹ Baibul? (E-i Kpi). I biu ei ki jiji ama i dab ukpẹrẹta-nwu i che. A neke du chekwu nyọnyọ ugbo k’amonẹ ma gbeju n’ẹn̄a n.

• 

  Ọna ka ch’Ukọchẹ Baibul le. Ma che ki chatẹko amonẹ ku ma n̄eju ukọchẹ Baibul alafa ka che, ki la dohi am’ene ku ma nẹ lugbo wn̄ kpai ọna ku ma tene ukọchẹ Baibul le.

• 

  Ẹn̄wu Kẹ Jura wn̄ Ef’Ukọchẹ Baibul We. Ma che ku ma du n̄a abo ki a chukọchẹ Baibul. Ma kọla lugbo vidio lẹ ẹpa ekeji efu ọtakada Enjoy Life Forever! ama a neke du n̄a ichẹwn ka ch’oluka Enjoy Life Forever! brochure. Vidio lẹ du tejugede ẹn̄wu ki defu ọtakada kpai ẹn̄wu k’akọchẹ lẹ ama iko ka choluka.

I che n’ẹtẹ ku ma che vidio ojoji ojoji ki dẹ, ama, a neke di vidio ei duu n̄a abẹk e du nwu onẹ ichẹwn ki chukpẹ. Ma gbọkọbọ amajuchẹnyọ ku ma m’ọtakada lẹ nyọnyọ ku ma la du chekwu ichẹwn ku ma juchẹnyọ.