Ọla Uchanẹ Ukpẹ 9

Ukpẹ ki dẹ-i akọ wa ẹñwu lugbo amagbadufu, amakachẹ kpai am’onu ku ma kẹdọno Jihofa nyọnyọ. Ojanẹ Siria, i n’ọma onobulẹ kekele ka ki n’ukẹdọno kak akachẹ Jihofa ach’ọga Neman kpa. Akachẹ Ẹlaija n’ukẹdọno kaki Jihofa agb’owñ tanẹ kwef’ọwọ abogwu amẹnọla-wñ. Agboji amatama Jehoyada d’oji ọla-wñ t’ukwu ki neke jadu Joash ki ch’ọma kẹkẹ kwef’ọwọ okwọ-wñ Atalaya ẹnẹbibi ki atene du kpa. Onu Hẹzẹkaya kẹdọno Jihofa kak i ajadu Jerusalẹm kwef’ọwọ abogwu Asiria; todulẹ, alu ku ma chaka any’u okpo, i dejiji n. Onu Josaya m’ode-egwa chakaa du w’ukpoji, i dabi f’unyi Ọjo ñwọche, i la jẹñwu abo Israẹl ku ma dabi chanẹ erẹ Jihofa.