Ọla Uchanẹ Ukpẹ 7

Ukpẹ ki dẹ-i che k’ọhiala lugbo Onu Sọl kpai Onu Defid. Ọhiala-i kọla lugbo ẹñwu ki che agbade ọdọ ọgbọ mẹlẹ [80]. Iko ejodudu, Sọl ch’ẹnẹ ki ahiọla-wanẹ, i la ach’okpo Ọjọ. Amaa, alu ki dẹ pẹẹ, Sọl mu rida. I la jẹ ki leb’ukọ Jihofa gẹ n. E-lẹ jẹñwu Jihofa f’u kọ tinyọ. Jihofa la ka ñwu Samuẹl ki f’ekpo ba ti Defid oji ki mud’onu abo Israẹl. Iko wewe, Sọl che todu ki mu Defid du kpa. Amaa, Defid ch’akoji ki koji n. Ọma Sọl ka ku ma adọ Jonatan che ma kaki Jihofa chi Defid ki j’onu Israẹl. Todulẹ i gwọnyu Defid kpaka, i d’ubi Defid tinyọ n. Defid che t’adure inaina, amaa i hiọla-wanẹ ñwu ukọ ki Jihofa du ñwu. Ichẹñwu k’ẹ ch’ata abẹk iye, ch’atẹko ọma wẹ ki li ẹtẹ ki chi ki ch’ogbogaga k’onẹ ki leb’ọna ki Jihofa atene k’ẹñwu ki dẹ.