Ọla Uchanẹ Ukpẹ 1

Baibul chanẹ ọla-wñ kpai amẹñwu k’Ọjọ nyi k’eju neke li, ki abi eju-wa t’amẹñwu ọmẹmẹlẹ ki Jihofa nyi efu ojale kpai anẹ ilẹ-i. Ichẹñwu k’ẹ ch’ata abẹk’iye, ch’atẹko ọma-wẹ ki li amẹñwu ojoji ojoji k’Ọjọ nyi. K’ẹ la du ñ’ọ alu k’Ọjọ nyi wa k’a t’ọgba ñwu amẹla duu, k’a n’ukpahiu ukọla, k’a na kpibe, k’a neke ch’ọna amẹñwu kp’ọwọ-wa, k’a neke keli, k’a la neke ch’adua. Kọ ọma-wẹ lugbo ukpahiu ki Jihofa nẹ kp’uma-wñ, ololo-wñ ch’ufẹdọ ki nẹ ñwu ẹñwu duu ki nyi.