Abu Ọlai Efu Paradais Iko Igbele Dẹ?

Jihofa che damẹñwu ọmẹmẹlẹ ñwu Adam kpai If. Abakwanẹ 1:28

If chonobulẹ ejodudu ki Jihofa nyi ta ki mu du ñwu Adam ki ch’ọya ñwu.—Abakwanẹ 2:21, 22.

Jihofa nyi ma kpai ibe manyu añọla ki chẹjọ kpa, mala nẹnyọlọ n.

Paradais unyi ma chefu uchẹ idẹn—Ugbo ki nyọ ọmẹmẹlẹ ki naji, ero oli kpai amẹla ojioji ojioji.

Jihofa che kọla ñwu ma; ikọma, ichẹñwu ku ma neti ru mama deju ogbegbelẹ efu Paradais anẹ ilẹi.

Ọjọ che ka kuma ki jẹ ẹro oli ka kwefu amoli lẹ n. Abakwanẹ 2:16, 17

Jihofa che du ña Adam kpai If oli ẹro ka efu uchẹ Idẹn, ila cheka ñwu ma kakini ichẹñwu ku ma fu jẹ, ma na kwu.

Onuchẹ ka mubi dagba ru Ọjọ. Onuchẹ bibi lẹ chi Setan Abulumonẹ.

Setan tene k’Adam kpai If ku ma gbomu Jihofa gbọ n. Oñwu ikọla ñwu If lefu ejo kakini ichẹñwu kẹ fẹro oli lẹ jẹ, ẹ na kwu n, ẹna dab’Ọjọ. Ọla lẹ la chọla emi dẹ.—Abakwanẹ 3:1-5.