Ụyọrị wạ́ạ́ váá nyị ẹzẹtẹ?

ỊSỊ IBAYIBURU KÀ

“Ohomorihi vee nyee avaba ẹgọọ hụụnị eyi ẹnịnị. Ayị kụkụ váá nyị ịswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza.”​—⁠Ẹtore Ịjọọnụ 21:​3, 4.

Ọ̀GỤ̀ Ọ́NỊ Ụ̀ VAA RỊ́

Ụ vaa yẹ kaakara ka ẹ yị vị Ohomorihi ọ kụ́ ụyà tú yị.​—⁠Ijemiisi 1:13.

Ụ vaa nyị ayọnẹtẹ ka uyà anaa rị yị ọ kanyị Ohomorihi.​—⁠Ịzakaraya 2:⁠8.

Ụ vaa nyị ọyịtúreyi ka avaba ụyọrị váa zẹtẹ​—⁠Ahẹ Ụga 37:​9-11.

Ị́SỊ́ ỌNỊ́ IBAYIBURU KÀ AANỊ, ỌỌ WỤ́RÀ SỊ AYỊ TỤRA KẸ?

Hịịn, a vẹ vị ya sị uruvo-ịrẹyị ẹ̀ẹ̀va kẹnẹ tụ́ ẹhẹ:

• Ohomorihi ọ nyị ịhyẹ̀rẹ̀ ụyọri ọnị̀rị ẹvaya. Tamayị ọ mẹmẹ kata Ijihova ẹ̀ngụ́ ịnị ụmẹ ana sị chamayị yị aza anị​—⁠ezi Anisirẹrị. Ibayiburu ọọ kaa ka, ayị Ijihova vị ene du ẹ̀tẹ̀ẹ̀tẹ̀rẹ̀ agụvị aza anaa mẹ ẹvaya yị wa, dị ẹ yaa sị ụyaa rị wa. ​—⁠Ọdọvịdị 2:⁠18.

  Ohomorihi ọ nyị ịhyẹrẹ anayịchama nịnị. Àgụ̀vị avọọ Ibayiburu kaa ka “Ọ nyị ịhyẹrẹ ọza ana a wụ̀ ọza kẹnẹ-kẹnẹ” nị.​—⁠Ụhịrẹyị 6:​16, 17.

• Ohomorihi ọ tẹsị ọ̀zọ̀zà. Ịzẹyịza yọ ka ọzọza ọọ yẹ ‘ẹngụkata anị ọnịrị ịsa anaa rị ọzọza ayị’, ama Ijihova ọ yẹẹ hu nị!​—⁠2 Ịtọpa 6:​29, 30, NWT.

  Ijihova vaa sị Ịjọva anị kụ ụyọrị ọzọza hụrị ẹtẹ. (Imatiwu 6:​9, 10) Di ụmẹ ọnọọ ọ va vẹ, aza anaa sị ịzẹyịza si Ijihova ọ vaa sị ayị ohunẹnẹ yị nị. ​—⁠Ụkọrọ Odeyi 17:27; 2 Anịkọrịntị 1:​3, 4.