Ngay Sekreton di Amlong hi Pamilya?

NGAY KALYON DI BIBLIYA

“Ong-ongal di amlong nadan tatagun mangngol ya mangun-unud hi kalin Apu Dios!”​—Lucas 11:28, Nan Kalin Apu Dios.

NGAY IBODDANG NA NU PATIYOM

Mawaday immannung an pamhod.​—Ephesus 5:28, 29.

Mawaday immannung an respeto.​—Ephesus 5:33.

Mawaday immannung an linggop.​—Marcos 10:6-9.

ON IMMANNUNG NAN IBAGBAGAN DI BIBLIYA?

Om, gapu nah duwan rason:

• Hi Maknongan di Nalpuwan di pamilya. Kalyon di Bibliya, hi Jehovah an Maknongan di “Aman am-in di pamilya.” (Ephesus 3:14, 15) Pinhod nan ibaga ya waday pamilya ote kinapyan Maknongan. Ngay maadal taun tuwe?

  Nomnomom hituwe: Nu tinamtamam han naimas an putahe oya pinhod mun inilaon nadan nunkiddum an rekadu, hi ngandiyey pundamagam? Siempre, nan nunhaʹang.

  Athidi bo nu pinhod taun inilaon nadan rekadun di maphod an pamilya, hamakon tau hi Jehovah, nan Nalpuwan di pamilya.​—Genesis 2:18-24.

• Ipappaptok daʹyun Maknongan. Nanomnoman nan pamilya an donglon day tugun Jehovah. Nape nin? ‘Ote hiyay mangipaptok i daʹyu.’ (1 Pedro 5:6, 7) Nan kiphodan yu di wadah nomnom Jehovah​—oya nan tuguna ya kanayun an niptok!​—Proverbs 3:5, 6; Isaiah 48:17, 18.