Ovikwaye mbi matu yenene okurihongera komambo wOmuapostele Paulus nga tjanga kOvatesalonika? Matu sokuungurisa ounongo indu tji matu zuu oviṋa mbi hi nokuyenda kumwe noviṋa mbi twe rihonga okuza mOmbeibela, poo tji matu zuu omahungi omatirise. Mo-Soviet Union otjikuru, ovanavita na eṱe va yandja orutuu kovakambure ovakwetu ndwaaru munika aayo rwa zu komberoo ohongora. Orutuu aaru tunduuza ovakambure tjiva okuuta otjira tjawo oveni. Orutuu ndwo aaru munika tjimuna ru nouatjiri. Posi ya ovakambure imba ovaṱakame kave na pu va wovisiwa i yotjizeze ho. Owo va muna kutja ombuze ndja ri morutuu ndwo kaai kumwe noviṋa mbi ve rihonga. Ndino, ovanavita nouatjiri ve ungurisa otungovi twomahakaeneno wakandino okutupukisa nokutuhaṋa. Pendje ‘nokukurungisiwa tjimanga momeripuriro [wetu],’ eṱe matu yenene okuritjevera oveni mokutara nawa kutja oviṋa mbi matu zuu nokulesa mavi i kumwe nouatjiri mbu twe rihonga.—2 Tes. 2:2; 1 Joh. 4:1. w24.07 12 ¶14-15

Omukambo omunanḓengu omundu auhe mbu ma yenene okutoora okuriyandja omuini ku Jehova kutja ma rire orupa rweṱunḓu re. Omena raye Jehova tje vanga kutja omundu auhe ma toore omukambo mbwo? Eye u vanga kutja ve kare noupanga wopopezu ku na ye, nu ve yorokere ehupo nga aruhe. (Deut. 30:​19, 20; Gal. 6:​7, 8) Jehova ka ṋiṋikiza omundu okumukarera. Eye u yandjera omundu kourike we okutoorora kutja me mu karere poo indee. Hapo ovanene vombongo mave tjiti vi indu omundu ngwa papitisiwa tja tjiti ouvi ounene? Indu eye tje hi nokuritanaura ma sokuisamewa mombongo. (1 Kor. 5:13) Nandarire kutja omundu ngo wa isamewa mombongo, Jehova tjiri u vanga kutja omundu ngo me ritanaure nu ma kare noupanga ouwa ku na ye rukwao. Epu enanḓengu orondi rokutja Jehova wa yandja otjisuta tjonguturiro, kokutja ma isire imba mbe ritanaura komauvi wawo. Jehova oMukuru worusuvero, nu u vanga kutja imba mba tjiti ouvi ounene ve ritanaure komauvi wawo.—Sak. 1:3; Rom. 2:4; Jak. 4:8. w24.08 14 ¶1-2

Oruveze omuapostele Johanes ndwa tjanga orutuu rwe orutjatatu, ovandu tjiva aave hongo ovizeze nokutjita kutja pe kare ohaṋi mombongo. Posi yokutja, varwe va kayenda komurungu ‘mongarero youatjiri.’ Owo va ri ‘nonḓuviro komatwako waNdjambi.’ (2 Joh. 4, 6) Ovakriste ovaṱakame mba, va yorokisa Johanes na Jehova tjinene. (Omiano 27:11) Matu rihongo tjike? Indu tji twa kara nouṱakame ku Jehova, matu kara nondjoroka nu matu tjiti kutja varwe ve kare nondjoroka wina. (1 Joh. 5:3) Otjotjihorera, tu kara nondjoroka mena rokutja tu tjiwa kutja tu yorokisa Jehova. Jehova u kara nondjoroka indu tji matu nakaura oviṋa ovivi nokukara nonḓuviro ku ye. Ovaengeli meyuru wina ve kara nondjoroka. (Luk. 15:10) Eṱe wina tu kara nondjoroka indu tji matu munu ovakambure ovakwetu amave kayenda komurungu okurira ovaṱakame. (2 Tes. 1:4) Nu indu ouye wa Satan tji wa nyonwa, eṱe matu kara nondjoroka mena rokutja twa panḓera pouṱakame wetu ku Jehova. w24.11 12 ¶17-18