ԱՊՐԵՆՔ ՈՐՊԵՍ ՔՐԻՍՏՈՆՅԱ
Աստվածաշնչի ուսումնասիրություն սկսելու համար նախատեսված տեսանյութեր
Ծառայության ժամանակ Աստվածաշնչի ուսումնասիրություն սկսելու համար 4 տեսանյութ ունենք։ Ո՞րն է դրանցից յուրաքանչյուրի նպատակը։
«Ինչո՞ւ արժե ուսումնասիրել Աստվածաշունչը» (ամբողջական տարբերակ) տեսանյութի նպատակն է տարբեր կրոնական հայացքներ ունեցող մարդկանց մեջ Աստվածաշնչի հանդեպ հետաքրքրություն առաջացնել։ Այն խրախուսում է Աստվածաշնչում փնտրել կյանքի կարևորագույն հարցերի պատասխանները և լուսաբանում է այդ հարցերից մեկի պատասխանը։ Նաև բացատրում է, թե մարդն ինչ կարող է անել, եթե ցանկանում է Աստվածաշունչ ուսումնասիրել։
«Ինչո՞ւ արժե ուսումնասիրել Աստվածաշունչը» (կարճ տարբերակ) տեսանյութը ամբողջական տարբերակից երեք անգամ կարճ է։ Այն կարող է ավելի արդյունավետ լինել այն տարածքներում, որտեղ մարդիկ շատ զբաղված են և երկար խոսելու ժամանակ չունեն։
«Ինչպես է անցկացվում Աստվածաշնչի ուսումնասիրությունը» տեսանյութի նպատակը Աստվածաշնչի ուսումնասիրության մեր ծրագրի հանդեպ հետաքրքրություն արթնացնելն է։ Այն նաև դրա հետ կապված որոշ տարածված հարցերի է պատասխանում, օրինակ՝ ինչպես Եհովայի վկաների օգնությամբ Աստվածաշնչի ուսումնասիրություն սկսել։
«Բարի գալուստ Աստվածաշնչի քո ուսումնասիրություն» տեսանյութը նախատեսված է Աստվածաշունչ ուսումնասիրողների համար։ Թեև տեսանյութը տեղադրված է «Վայելիր կյանքը հավիտյան» գրքի երկրորդ էջում, այն կարելի է ցույց տալ «Վայելիր կյանքը հավիտյան» գրքույկի քննարկման ժամանակ։ Տեսանյութում խոսվում է գրքի բովանդակության, ինչպես նաև քննարկումների անցկացման ձևի մասին։
Թեև յուրաքանչյուր տեսանյութ որոշակի նպատակի է ծառայում, գուցե այլ իրավիճակներ լինեն, երբ հարկ համարենք դրանք ցույց տալ կամ ուղարկել որևէ մարդու։ Լավ կլինի, որ բոլոր քարոզիչները լավ ծանոթանան դրանց ու չվարանեն օգտագործել ծառայության մեջ։