Մեր ուրախության պատճառները

1. Ուրախ լինելու պատճառները

Անթիվ են, հավերժ մնայուն։

Խինդով են լցվում մեր սրտերը,

Երբ կամքն ենք Աստծու կատարում։

Մեր շուրջը Աստված հեզ մարդկանց է

Տարբեր ազգերից հավաքում,

Նրանց հետ ուրախ գովերգում ենք,

Անունը մեր Հոր սրբացնում։

Մեզ Խոսքը Աստծու զորացնում է,

Հավատը մեր ամրապնդում.

Անգամ երբ ճնշում, հալածում են,

Ոգով միշտ ուրախ ենք մնում։

2. Երբ գիրքն արարման մենք թերթում ենք,

Տեսնում ենք Հոր սերը այնտեղ։

Որքա՜ն ներդաշնակ ու չքնաղ են

Գործերը նրա փառահեղ։

Հիմա հաղթական վկայում ենք,

Որ Արքայությունը ծնվեց,

Ուրախ սրտերով հռչակում ենք՝

Եհովան Որդուն թագադրեց։

Երբ գա խոստացված նոր աշխարհը,

Մեր սիրտն է հավերժ ցնծալու,

Անհետ անցնելու է խավարը,

Վառ լույսն է հավետ շողալու։