Սթրեսային վիճակո՞ւմ եք

«Յուրաքանչյուրն էլ ինչ-որ չափով ենթարկվում է սթրեսի, բայց իմ կյանքում սթրեսը չափից շատ է։ Դա ընդամենը մեկ խնդիր չէ, այլ բազմաթիվ լարված իրավիճակներ, ներքին պայքարներ, և այդ ամենին գումարվում է այն, որ տարիներ շարունակ հոգ եմ տանում ֆիզիկական ու մտային առումով հիվանդ ամուսնուս։ Թվում է՝ սա վերջ չունի» (Ջիլ)։a

«Կինս լքել էր ինձ, և ես պետք է մենակ մեծացնեի մեր երկու երեխաներին։ Դժվար էր լինել միայնակ ծնող։ Այդքանը դեռ քիչ էր, կորցրի նաև աշխատանքս ու հնարավորություն չունեի մեքենաս տեխզննում անցկացնելու։ Չգիտեի ինչ անել։ Սթրեսն այնքան շատ էր, որ ուղղակի անտանելի էր։ Հոգուս խորքում գիտեի, որ ինքնասպան լինելը սխալ է, ուստի Աստծուց խնդրում էի, որ վերջ տա իմ թշվառ կյանքին» (Բերի)։