Անցած տարվա նշանակալից իրադարձությունները

ԽՈՍԵԼՈՎ այն մասին, թե Աստված ինչ է իրագործելու իր Թագավորության միջոցով՝ Եսայիան ասում է. «Զորքերի Տեր Եհովայի նախանձախնդրությունը կանի դա» (Ես. 9։7)։ Հիսուս Քրիստոսը՝ այդ Թագավորության Թագավորը, նույնպես մեծ նախանձախնդրություն դրսևորեց ճշմարիտ երկրպագության հանդեպ իր երկրային ծառայության ընթացքում (Հովհ. 2։17)։ Այս հաշվետվությունը ցույց է տալիս, թե ինչպես են Եհովայի վկաները ամբողջ աշխարհում, ընդօրինակելով Եհովայի և Հիսուսի մեծ եռանդը, օգնում մարդկանց զգալու իրենց երկնային Հոր դրսևորած սերը։