Մանայեն։ Հոգևոր բաներն առաջնային համարիր

Մանայենը առաջին դարի Անտիոքի ժողովում առաջնորդող եղբայրներից էր։ Նա «կրթություն էր ստացել շրջանի կառավարիչ Հերովդեսի հետ» (Գործ. 13։1)։ Ուստի նա կրթված էր և հավանաբար մեծացել էր հարուստ ընտանիքում։

Չնայած այս ամենին՝ Մանայենը որոշեց քրիստոնյա դառնալ և ջանասիրաբար ծառայել ժողովին։ Նա իր կրթությունն ու իշխանավոր մարդկանց հետ ունեցած կապերը չծառայեցրեց իր օգտին, այլ ինքը ծառայեց իր եղբայրներին։

Մանայենի օրինակը ցույց է տալիս, որ Եհովային ծառայելն ավելի կարևոր է, քան աշխարհում դիրքի և հարստության ձգտելը։ Նրա պես մենք պետք է առաջնային համարենք հոգևոր գործերը, ոչ թե աշխարհում ինչ-որ բանի հասնելը (Մատթ. 6։33)։ Ճիշտ է, մենք արժեքավոր ենք համարում կրթությունը, սակայն «ընտրում ենք այն, ինչն ավելի կարևոր է», և ուզում ենք հավաստիանալ, որ ոչինչ չի խանգարում մեզ պաշտել Եհովային (Փիլիպ. 1։9, 10)։