ԱՊՐԵՆՔ ՈՐՊԵՍ ՔՐԻՍՏՈՆՅԱ
Իսկ ո՞րն է Աստծու տեսակետը
Մենք ամեն հարցում ցանկանում ենք հաճեցնել Եհովային (Առ 27։11)։ Այդ իսկ պատճառով նույնիսկ այն դեպքերում, երբ չկա հստակ օրենք կամ պատվիրան որևէ հարցի վերաբերյալ, պետք է այնպիսի որոշումներ կայացնենք, որոնք ներդաշնակ կլինեն նրա մտածելակերպին։ Իսկ ինչպե՞ս կարող ենք դա անել։
Կանոնավորաբար ուսումնասիրիր Աստվածաշունչը։ Ամեն անգամ, երբ կարդում ենք Աստվածաշունչը, ասես ժամանակ ենք անցկացնում Եհովայի հետ։ Եթե քննենք, թե Եհովան ինչպես է վերաբերվել իր ժողովրդին, և ուսումնասիրենք այն մարդկանց օրինակները, որոնք Եհովային հաճելի կամ տհաճ գործեր են արել, կկարողանանք հասկանալ Եհովայի մտածելակերպը։ Որոշումներ կայացնելիս սուրբ ոգին մեզ կհիշեցնի այն կարևոր դասերն ու սկզբունքները, որոնք սովորել ենք Աստծու Խոսքից (Հվ 14։26)։
Փնտրտուքներ արա։ Որոշում կայացնելիս ինքդ քեզ հարցրու. «Աստվածաշնչի ո՞ր համարները կամ պատմությունները կօգնեն ինձ հասկանալ Եհովայի տեսակետը»։ Եհովայից աղոթքով օգնություն խնդրիր և օգտվիր քո լեզվով առկա փնտրտուքներ անելու միջոցներից, որպեսզի քո իրավիճակին համապատասխան աստվածաշնչյան սկզբունքներ գտնես (Սղ 25։4)։
ԴԻՏԻՐ «ՊԵՏՔ Է «ՏՈԿՈՒՆՈՒԹՅԱՄԲ ՎԱԶԵՆՔ»—ԸՆԴՈՒՆԵՆՔ ՍՆՆԴԱՐԱՐ ԿԵՐԱԿՈՒՐ» ՏԵՍԱՆՅՈՒԹԸ ԵՎ ՊԱՏԱՍԽԱՆԻՐ ՀԵՏԵՎՅԱԼ ՀԱՐՑԵՐԻՆ
Տեսանյութում քույրն ի՞նչ ճնշումների էր ենթարկվում։
Նմանատիպ ճնշումների ենթարկվելիս փնտրտուքներ անելու միջոցներն ինչպե՞ս կարող են օգնել քեզ։
Փնտրտուքներ անելը և անձնական ուսումնասիրությանը բավականաչափ ժամանակ հատկացնելը ինչպե՞ս են օգնում ճիշտ որոշումներ կայացնել (Եբ 5։13, 14)։