Եհովան սիրում է մաքուր մարդկանց

«Ձեռքերդ լվա՛։ Սենյակդ մաքրի՛ր։ Հատակը ավլի՛ր։ Աղբը թափի՛ր»։ Շատ ծնողներ իրենց երեխաներին սովորեցնում են, թե ինչպես ֆիզիկապես մաքուր մնալ։ Բայց իրականում մաքրությանն առնչվող չափանիշների սկզբնաղբյուրը մեր սուրբ Աստված է (Ելք 30։18–20; 2Օր 23։14; 2Կթ 7։1)։ Երբ մեր մարմինն ու մեզ պատկանող ամեն բան մաքուր ենք պահում, պատիվ ենք բերում Եհովային (1Պտ 1։14–16)։ Իսկ ի՞նչ կարելի է ասել մեր տան և դրա շրջակայքի մասին։ Ի տարբերություն այն մարդկանց, ովքեր աղբը գցում են ճանապարհներին և այգիներում, քրիստոնյաները ամեն ինչ անում են, որ Երկիր մոլորակը՝ իրենց տունը, մաքուր պահեն (Սղ 115։16; Հտն 11։18)։ Անգամ փոքր հարցերում, օրինակ, թե ինչ ենք անում կոնֆետի թուղթը, ըմպելիքի տարան կամ ծամոնը, կարող ենք ցույց տալ, թե ինչ տեսակետ ունենք մաքրության վերաբերյալ։ Մեր կյանքի բոլոր ոլորտներում ուզում ենք ինքներս մեզ «երաշխավորել իբրև Աստծու ծառաների» (2Կթ 6։3, 4)։

ԴԻՏԻՐ «ԱՍՏՎԱԾ ՍԻՐՈՒՄ Է ՄԱՔՈՒՐ ՄԱՐԴԿԱՆՑ» ՏԵՍԱՆՅՈՒԹԸ ԵՎ ՊԱՏԱՍԽԱՆԻՐ ՀԵՏԵՎՅԱԼ ՀԱՐՑԵՐԻՆ

• Ոմանք ի՞նչ արդարացումներ են բերում, թե ինչու իրենց իրերը մաքուր վիճակում չեն։

• Մովսիսական օրենքից ինչպե՞ս է երևում Եհովայի տեսակետը մաքրության վերաբերյալ։

• Ինչպե՞ս կարող ենք լուռ վկայություն տալ Եհովայի մասին։