Բարելավենք մեր հմտությունները ծառայության մեջ. վերայցելություններ անենք

ԻՆՉՈՒ Է ԿԱՐԵՎՈՐ։ Թագավորության լուրի հանդեպ հետաքրքրություն դրսևորող շատ մարդիկ փնտրում են Աստծու մասին ճշմարտությունը (Ես 55։6)։ Որպեսզի օգնենք, որ նրանք աստիճանաբար ավելի շատ գիտելիքներ ձեռք բերեն Եհովայի մասին, պետք է կրկին ու կրկին այցելենք նրանց։ Տարբեր մարդիկ տարբեր դժվարություններ ունեն, հետևաբար նրանց հետաքրքրությունը զարգացնելու համար տարբեր կերպեր պետք է փորձենք։ Ինչ էլ լինի պարագան, մենք ավելի շատ հաջողության կհասնենք, եթե նախապատրաստվենք և յուրաքանչյուր այցելությունը անելիս ունենանք որոշակի նպատակ, իսկ վերջնական նպատակը պետք է լինի ուսումնասիրություն սկսելը։

ԻՆՉՊԵՍ ԱՆԵԼ

• Ձգտիր հնարավորինս շուտ վերայցելել, թերևս մի քանի օրից (Մթ 13։19)։

• Եղիր սիրալիր ու հարգալից և աշխատիր չլարվել։

• Սկզբում ջերմորեն ողջունիր։ Օգտագործիր նրա անունը։ Հիշեցրու նրան, թե ինչու ես կրկին եկել. գուցե խոստացել էիր պատասխանել ինչ-որ հարցի, թարմ ամսագիր բերել, ծանոթացնել մեր կայքին, տեսանյութ ցուցադրել կամ էլ ցույց տալ՝ ինչպես է անցկացվում Աստվածաշնչի ուսումնասիրությունը։ Եթե տեսնում ես, որ անհատին այլ թեմա է հետաքրքրում, ապա փոխիր ասելիքդ և խոսիր այդ թեմայով (Փպ 2։4)։

• Ջրիր նրա սրտում ցանված ճշմարտության սերմերը՝ Աստվածաշնչից որևէ միտք կարդալով, գուցե նաև գրականություն առաջարկելով (1Կթ 3։6)։ Ձգտիր ընդհանուր եզրեր գտնել նրա հետ։

• Հիմք նախապատրաստիր հաջորդ այցելության համար։