Հատուկ հրավիրատոմս
1. Ե՞րբ կսկսենք տարածել 2014 թ. համաժողովների հրավիրատոմսերը։
1 Երբ շատ ջանքեր ես թափում ու ծախսեր կատարում ընտանիքիդ անդամների կամ ընկերներիդ համար հատուկ ընթրիք պատրաստելու նպատակով, հավանաբար մեծ ոգևորությամբ կհրավիրես նրանց այդ խնջույքին։ Նմանապես, նախօրոք մեծ աշխատանք է արվում հոգևոր մեծ խնջույքի համար, որպեսզի այն մատուցվի 2014 թ. մարզային և միջազգային համաժողովներին։ Ուստի համաժողովից երեք շաբաթ առաջ մենք պատիվ կունենանք մարդկանց հրավիրելու այս խնջույքին։ Ի՞նչը կօգնի մեզ ոգևորությամբ տարածելու հրավիրատոմսերը։
2. Ի՞նչը կմղի մեզ լիարժեքորեն մասնակցելու քարոզարշավին։
2 Մենք լիարժեք մասնակցություն կունենանք հրավիրատոմսերը տարածելու գործում, եթե խորհրդածենք, թե անձամբ ինչ օգուտներ ենք ստանում այս հոգևոր խնջույքից, որ Եհովան պատրաստում է մեզ համար (Ես. 65։13, 14)։ Պետք է հիշենք նաև, որ տարեկան քարոզարշավը դրական արդյունքներ է ունենում։ Հրավիրվածներից ոմանք մեզ հետ ներկա կլինեն համաժողովին։ Սակայն անկախ ներկաների թվից՝ քարոզարշավի ընթացքում ժրաջանորեն կատարած մեր աշխատանքը փառք կբերի Եհովային ու կարտացոլի նրա առատաձեռնությունը (Սաղ. 145։3, 7; Հայտն. 22։17)։
3. Ինչպե՞ս ենք տարածելու հրավիրատոմսերը։
3 Յուրաքանչյուր երեցների խորհուրդ կորոշի, թե ժողովը ինչպես է տարածելու հրավիրատոմսերը, նաև պետք է արդյոք հրավիրատոմսեր թողնել փակ դռների մոտ կամ առաջարկել դրանք հրապարակային վկայության ժամանակ։ Շաբաթ-կիրակի օրերին հրավիրատոմսերի հետ կառաջարկվեն ամսագրեր։ Եթե ամսվա առաջին շաբաթ օրը համընկնում է քարոզարշավի ամսաթվին, ապա Աստվածաշնչի ուսումնասիրություն առաջարկելու փոխարեն՝ հարկավոր է կենտրոնանալ հրավիրատոմսերը տարածելու վրա։ Քարոզարշավի վերջում որքա՜ն ուրախ կլինենք մենք, որ ոգևորությամբ ենք տարածել հրավիրատոմսերը և հնարավորինս շատ մարդկանց ենք հրավիրել օգտվելու այն հոգևոր խնջույքից, որ Եհովան պատրաստել է մեզ համար։