Հայտարարություններ

◼ Տարածելու համար նախատեսված գրականությունը։ Հոկտեմբեր և Նոյեմբեր. «Դիտարան» և «Արթնացե՛ք» պարբերագրեր։ Եթե մարդը հետաքրքրվում է, առաջարկիր «Ցանկանո՞ւմ եք իմանալ ճշմարտությունը» թերթիկը և ձգտիր Աստվածաշնչի ուսումնասիրություն սկսել։ Կարելի է առաջարկել օգոստոս ամսվա համար նախատեսված ցանկացած 32-էջանոց գրքույկ։ Դեկտեմբեր. «Երբևէ ապրած մեծագույն մարդը»։ Եթե տանտերն ունի երեխաներ, առաջարկիր «Սովորիր Մեծ Ուսուցչից» կամ «Աստվածաշնչի պատմությունների իմ ժողովածուն» գրքույկը։ Հունվար. «Ի՞նչ է սովորեցնում Աստվածաշունչը իրականում»։ Ձգտիր առաջին իսկ այցելության ժամանակ Աստվածաշնչի ուսումնասիրություն սկսել։ Եթե տանտերն արդեն ունի այս գիրքը և չի ցանկանում Աստվածաշունչ ուսումնասիրել, կարող ես առաջարկել նախորդ պարբերագրերից որևէ մեկը կամ գրքույկ, որը թերևս կհետաքրքրի նրան։