Հարցերի արկղ (3)

Մենք բոլոր հիմքերն ունենք մտածելու, որ մեր եղբայրներն ու քույրերը ձգտում են վարքի հետ կապված բարոյական բարձր չափանիշների հետևել։ Այդուհանդերձ, մենք ապրում ենք անմաքուր և ամենաթող աշխարհում, որտեղ բարոյականության հարցում շատ սահմանափակումներ չկան։ Թեև բարի միտումներ ունենք, բայց հարկավոր է միշտ զգոն լինել, որպեսզի անպատշաճ վարք չդրսևորենք կամ մեր վարքով նախատինք չբերենք։ Դա նշանակում է, որ պետք է զգույշ լինենք նաև քարոզչական ծառայության ժամանակ։

Ծառայության ժամանակ մեր զրուցակիցը կարող է լինել հակառակ սեռի անհատ, ով գուցե անկեղծորեն հետաքրքրվում է ճշմարտությամբ։ Եթե ծառայում ենք առանց համագործակցի, և հակառակ սեռի անհատը տանը մենակ է, ապա սովորաբար լավ կլինի վկայություն տալ դռան առաջ և ներս չմտնել։ Եթե անհատը հետաքրքրություն է ցույց տալիս, կարելի է պայմանավորվել կրկին հանդիպելու, երբ մեզ հետ կլինի մեկ ուրիշ քարոզիչ, կամ երբ այդ անհատը տանը մենակ չի լինի։ Եթե դա հնարավոր չէ, խելամիտ կլինի փոխանցել հասցեն նույն սեռի որևէ քարոզչի։ Սա վերաբերում է նաև հակառակ սեռի հետ Աստվածաշնչի տնային ուսումնասիրություն անցկացնելուն (Մատթ. 10։16)։

Մենք պետք է զգուշություն դրսևորենք նաև այն հարցում, թե ում հետ ենք ծրագրում ծառայել։ Թեև տարբեր սեռի քարոզիչները կարող են երբեմն միասին ծառայել, տեղին չի լինի կանոնավորաբար ծառայության գնալ միևնույն անհատի հետ, եթե նա քո կողակիցը կամ մտերիմ բարեկամը չէ։ Հետևաբար, քարոզչական հանդիպումն անցկացնող եղբայրը պետք է ողջամտություն դրսևորի, երբ քարոզիչներին, այդ թվում նաև անչափահաս նշանակում է զույգերով ծառայության գնալու։

Եթե միշտ ողջամտություն դրսևորենք, «ոչ մի ձևով մենք գայթակղության որևէ առիթ չենք տա» ո՛չ մեզ, ո՛չ ուրիշներին (2 Կորնթ. 6։3)։