Առատաձեռն աղջնակը

ԲՐԱԶԻԼԻԱՅՈՒՄ ապրող իննամյա մի աղջիկ իր հավաքած փողը բաժանել էր երկու մասի՝ 18 և 25 դոլար։ Տասնութ դոլարը նա բերել էր Թագավորության սրահ և նվիրաբերել ժողովի կարիքների համար, իսկ քսանհինգը մի նամակի հետ ուղարկել էր Եհովայի վկաների մասնաճյուղ։ Նա գրում է. «Ես ուզում եմ նվիրաբերություն անել համաշխարհային գործի համար։ Ցանկանում եմ օգնել ամբողջ աշխարհում ապրող մեր եղբայրներին ու քույրերին, որ քարոզեն բարի լուրը։ Ես մեծ ուրախությամբ եմ տալիս այս փողը, որովհետև շատ եմ սիրում Եհովային»։

Այդ փոքրիկ աղջկա ծնողները սովորեցրել են նրան, թե որքան կարևոր է մասնակցել քարոզչության գործին։ Նրանք նաև սերմանել են նրա մեջ, թե որքան կարևոր է «Եհովային արժեքավոր բաներով պատվել» (Առակ. 3։9 ՆԱ)։ Այս փոքրիկ աղջկա պես՝ եկե՛ք բոլորս եռանդորեն մասնակցենք Թագավորության շահերի առաջխաղացմանը։