‘Տկար անոթի’ արժեքը
ՊԵՏՐՈՍ առաքյալը սուրբ ոգու ներշնչմամբ գրեց. «Մարդիկ, իմաստութիւնով [«գիտության համաձայն», ՆԱ] բնակուեցէք [ձեր կանանց] հետ. ինչպէս տկար անօթի՝ [նրանց] պատիւ տալով» (Ա Պետրոս 3։7)։ Այն, որ Աստվածաշնչում կանանց մասին խոսվում է որպես ‘տկար անոթի’, արդյոք ինչ–որ ձևով նսեմացնո՞ւմ է նրանց։ Տեսնենք, թե ինչ նկատի ուներ առաքյալը։
«Պատիւ» թարգմանված հունարեն գոյականը նշանակում է «գին, արժեք ....հարգանք»։ Ուստի, քրիստոնյա ամուսինը պետք է իր կնոջը քնքշանքով վերաբերվի՝ նրան պատշաճ ուշադրություն դարձնելով, ինչպես նուրբ, թանկարժեք անոթի։ Ինչ խոսք, ‘տկար անոթ’ արտահայտությունը ամենևին էլ չի նսեմացնում կնոջը։ Քննարկենք Տիֆանիի՝ լոտոսի նախշերով լուսամփոփի օրինակը։ Կարելի է ասել, որ այս հրաշագեղ լուսամփոփը փխրուն է։ Բայց արդյո՞ք դա արժեզրկում է նրան։ Բոլորովի՛ն։ 1997 թ.–ին Տիֆանիի՝ լոտոսի նախշերով լուսամփոփի բնօրինակը աճուրդում վաճառվեց 2,8 միլիոն դոլարով։ Նրա փխրուն լինելը պատճառ եղավ, որ այն ավելի բարձր գնահատվի և ոչ թե արժեզրկվի։
Հետևաբար, ‘ինչպես տկար անոթի՝ կնոջը պատիվ տալը’ չի արժեզրկում կամ նսեմացնում նրան։ Կնոջ հետ «գիտության համաձայն» ‘բնակվելը’ նշանակում է, որ ամուսինը հաշվի է առնում նրա կարողությունների սահմանները, նախասիրությունները, հայացքներն ու զգացմունքները։ Հոգատար ամուսինն ընդունում է, որ իր և իր կնոջ միջև կարող են լինել տարբերություններ։ Նա ճիշտ է վերաբերվում իր կնոջը, ‘որպեսզի իր աղոթքները չխափանվեն’ (Ա Պետրոս 3։7)։ Այն ամուսինը, որը չի գնահատում իր կնոջ արժանիքները, վտանգի տակ է դնում իր փոխհարաբերությունները Աստծու հետ։ Հստակ է, որ Աստծու Խոսքը չի նսեմացնում կանանց։ Ընդհակառակը՝ նրանց պատվում է։
[նկար 32-րդ էջի վրա, թույլտվությամբ՝]
© Christie’s Images Limited 1997