Միշտ քայլենք Եհովայի հետ

1. Մեր կյանքի ողջ ճանապարհը

Թող քայլենք Եհովայի կողքով։

Թե բռնենք միշտ մեր Հոր ձեռքը,

Կլինենք խաղաղ ու ապահով։

Հայր Եհովան սիրառատ է.

Մեզ կանչում է գրկաբաց։

Երբ անգին այդ սերը զգում ենք,

Նվիրվում ենք նրան սրտանց։

2. Թշնամին մեր բարկացած է,

Ճանապարհն է մեր դժվարացնում։

Հալածանքն ու ճնշումները

Վախեցնում են, մեզ շեղել փորձում։

Բայց Եհովան մեզ օգնում է.

Քայլ անգամ չենք նահանջի։

Կմնանք հավատարիմ մենք,

Ճիշտ ուղուց երբեք չենք շեղվի։

3. Սուրբ Գրքից հնչող Հոր ձայնը

Ուղղորդում է մեզ ամբողջ կյանքում։

Սրտագին մեր աղոթքները

Հայրը մեր երբեք չի անտեսում։

Նա իր սուրբ ոգին տալիս է,

Զորացնում, որ վայր չընկնենք։

Թող խոնարհ պահենք մեր սիրտը

Եվ Աստծու հետ հավերժ քայլենք։