Կազմի հետևի մասը
Գրքի շապիկի վրայի լուսանկարն արվել է 1995 թվականին տիեզերական աստղադիտակի օգնությամբ։ Գազափոշային ամպերը գտնվում են Արծվի միգամածությունում։ Գիտնականները ենթադրում են, որ այդ ամպերում, որոնց կոչում են «Ստեղծագործության սյուներ», կազմավորվում են աստղերը։
Մեզ ևս հետաքրքրում են այն հարցերը, որոնք տալիս են շատ անվանի մարդիկ. ինչպե՞ս է ծագել Տիեզերքը, մեր մոլորակը և կյանքը նրա վրա։ Ի՞նչ կապ ունի դա կյանքի իրական իմաստի որոնումների հետ։
Շատերը հավատում են արարչագործությանը, հոգատար Ստեղծիչի գոյությանը։ Տեխնիկապես զարգացած մեր դարաշրջանում գիտական հետազոտությունները հիմքեր տալի՞ս են՝ նման հավատը խելամիտ համարելու։
Այս կենսական կարևորություն ունեցող հարցի հետ ի՞նչ առնչություն ունեն մարդու գլխուղեղի և խոսքի հետազոտությունների բնագավառում վերջերս արված հայտնագործությունները։
Ինչո՞ւ են կրթված շատ անհատներ դիմում Աստվածաշնչին, և արդյո՞ք մեր և մեր հարազատների համար կարևոր է այն, ինչ որ Աստվածաշունչն է ասում Ստեղծիչի մասին։
Ձեր ուշադրությանն ենք ներկայացնում այս գիրքը, որտեղ քննարկվում են վերոհիշյալ հարցերը։ Գրքում պարունակվող հստակ պատասխանները կօգնեն ձեզ ավելի իմաստավորել ձեր կյանքը և երջանիկ ապագայի հիմքը դնել։